ഒപ്പം അഭിനയിക്കുന്നവരില്‍ ഏറ്റവും കംഫര്‍ട്ടബിളായ നടനാണ് ദിലീപേട്ടന്‍ ; ഡബ്ള്യു സി സിയിലൊന്നും ഞാനില്ല ആവശ്യമില്ലാത്ത കാര്യങ്ങള്‍ തലയില്‍ കയറ്റുമ്പോള്‍ അഹങ്കാരവും അസൂയയും ഉണ്ടാകും ;ദിലീപിനെപുകഴ്ത്തിയും സിനിമയിലെ പെൺകൂട്ടായ്മയ്ക്കെതിരെ പൊട്ടിത്തെറിച്ചതും നമിത പ്രമോദ്
മലയാളത്തിൽ അരങ്ങേറി തമിഴിലും കന്നടയിലും താരമാകുകയാണ് നമിത പ്രമോദ്. അങ്ങനെ വിവാദങ്ങളിലൊന്നും പെടാതെ നിൽക്കുന്ന നമിത തന്റെ മനസ്സ് തുറക്കുകയാണ് .സിനിമയ്ക്ക് പുറത്തുള്ള വിവാദങ്ങളിലൊന്നും ശ്രദ്ധിക്കാറില്ലെന്ന് നടി നമിത.സാമൂഹിക മാധ്യമങ്ങളില്‍ സജീവമല്ലാത്തതും അഭിപ്രായങ്ങള്‍ പറയാതിരിക്കുന്നതും വിവാദങ്ങളില്‍ നിന്ന് വിട്ടു നില്‍ക്കാനാണെന്നും നമിത പറഞ്ഞു. മലയാള സിനിമയിലെ വനിതാ കൂട്ടായ്മയായ വിമണ്‍ ഇന്‍ സിനിമാ കളക്ടീവില്‍ അംഗമല്ലാത്തത് എന്തുകൊണ്ടാണെന്നും നമിത വെളിപ്പെടുത്തി.
അതിലൊന്നും ഞാനില്ല, പക്ഷേ ശരിയാണെന്ന് തോന്നിയാല്‍ യോജിക്കും. സിനിമയില്‍ സുഹൃത്തുക്കള്‍ കുറവാണ്. കഴിവുണ്ടെങ്കില്‍ അവസരങ്ങള്‍ വരും. ആളുകള്‍ക്ക് ഇഷ്ടമാകും. ഇല്ലെങ്കില്‍ ഇല്ല. അത്ര തന്നെ. ആവശ്യമില്ലാത്ത കാര്യങ്ങള്‍ തലയില്‍ കയറ്റുമ്പോള്‍ അഹങ്കാരവും അസൂയയും ഉണ്ടാകും. അത് സകല നന്‍മകളേയും നശിപ്പിക്കും- നമിത പറഞ്ഞു.
ദിലീപ് നായകമായ കമ്മാരസംഭവത്തിന് ശേഷം പ്രൊഫസര്‍ ഡിങ്കനിലും നമിതയാണ് നായിക. ദിലീപിനൊപ്പം അഭിനയിക്കുമ്പോള്‍ യാതൊരു സമ്മര്‍ദ്ദവുമില്ലെന്ന് നമിത പറയുന്നു.ഒപ്പം അഭിനയിക്കുന്നവരില്‍ ഏറ്റവും കംഫര്‍ട്ടബിളായ നടനാണ് ദിലീപേട്ടന്‍. ഒരു സമ്മര്‍ദ്ദവും തോന്നില്ല. നല്ല സിനിമകള്‍ വന്നപ്പോള്‍ അദ്ദേഹത്തോടൊപ്പം അഭിനയിക്കാന്‍ കൂടുതല്‍ അവസരങ്ങള്‍ ലഭിച്ചു- നമിത കൂട്ടിച്ചേര്‍ത്തു.
https://www.facebook.com/Malayalivartha
