പെണ്‍കുട്ടികളെക്കുറിച്ച് എന്റെ മക്കളോട് പറഞ്ഞിരിക്കുന്നത്: കയ്യടി നേടി ജയംരവിയെന്ന അച്ഛന്‍
തമിഴകത്തെ മാന്യനായ നടന്‍ പരിവേഷമുള്ള താരമാണ് ജയംരവി. മാതൃക ഭര്‍ത്താവും അച്ഛനുമായി ആരാധകരുടെ മനസ്സില്‍ ഇടംനേടിയിരിക്കുന്ന ജയംരവിയുടെ താരകുടുംബത്തിനും ആരാധകരേറെയാണ്. ഇതിനിടെ ജയം രവി തന്റെ മക്കള്‍ക്ക് നല്‍കിയ ഉപദേശമാണ് ശ്രദ്ധേയമായിരിക്കുന്നത്. ഒരു സ്വകാര്യ മാധ്യമത്തിന് നല്‍കിയ അഭിമുഖത്തിലാണ് ജയം രവി മനസ്സ് തുറന്നത്.
ആണ്‍കുട്ടികളോട് കരയരുതെന്നാണ് സാധാരണയായി കുടുബത്തിലെ മുതിര്‍ന്നവര്‍ പറഞ്ഞു കൊടുക്കുക. എന്നാല്‍ പെണ്‍കുട്ടികളെ കരയിപ്പിക്കരുതെന്നാണ് എന്റെ മക്കളോട് പറയുക. ഇത് വളരെ പ്രധാനപ്പെട്ട കാര്യമാണ്. ഇത് വെറുതെ പറയുന്നതല്ല. എന്റെ പുതിയ സിനിമയും അതേ കാര്യം തന്നെയാണ് പറയുന്നത്. - ജയംരവി പറയുന്നു. ഒമ്പത് വയസ്സുകാരന്‍ ആരവും നാല് വയസ്സുകാരന്‍ അയനുമാണ് ജയം രവിയുടെ മക്കള്‍.
'അടങ്കമാറ്' റിലീസിനൊരുങ്ങുന്ന ജയംരവി ചിത്രം. പോലീസ് വേഷത്തിലാണ് ജയംരവിയെത്തുന്നത്. ജയംരവി പോലീസായ തനി ഒരുവന്‍, ബോഗന്‍ എ്ന്നീ ചിത്രങ്ങള്‍ വന്‍ വിജയമായിരുന്നു. കാര്‍ത്തിക്ക് തങ്കവേലുവാണ് അടങ്കമാറ് സംവിധാനം ചെയ്തിരിക്കുന്നത്. റാഷി ഖന്നയാണ് നായിക. പൊന്‍വണ്ണന്‍, ബാബു ആന്റണി, സമ്പത്ത് രാജ്, മുനിഷ് കാന്ത്, അഴകം പെരുമാള്‍, മീരാ വാസുദേവന്‍ എന്നിവരാണ് മറ്റു പ്രധാന താരങ്ങള്‍.
https://www.facebook.com/Malayalivartha
