നടന് വിശാല് വിവാഹിതനാകുന്നു
വിശാല് ആരാധികമാരുടെ ഹൃദയം തകര്ക്കുന്ന വാര്ത്തയാണ് തമിഴകത്തു നിന്നിപ്പോള് പുറത്തു വരുന്നത്. നടനും നടിഗര് സംഘം, തമിഴ് സിനിമാ നിര്മ്മാതാക്കളുടെ കൌണ്സില് തലവനുമായ വിശാല് വിവാഹിതനാകുന്നു. ഹൈദരാബാദ് സ്വദേശിനിയായ അനിഷയാണ് 41 കാരനായ വിശാലിന്റെ വധു എന്ന് തമിഴ് മാധ്യമങ്ങള് റിപ്പോര്ട്ട് ചെയ്യുന്നു. വിവാഹ വാര്ത്ത വിശാല് ഇതുവരെ സ്ഥിതീകരിച്ചിട്ടില്ല.
നടികര് സംഘത്തിന്റെ ഓഫീസിന്റെ നിര്മ്മാണം നടക്കുകയാണ്. ഇതിന്റെ പണി കഴിഞ്ഞശേഷം അവിടെ വെച്ചേ താന് വിവാഹം കഴിക്കുകയുള്ളുവെന്ന് വിശാല് നേരത്തേ പറഞ്ഞിട്ടുണ്ട്. നടി വരലക്ഷ്മി ശരത്കുമാറുമായി പ്രണയത്തിലാണെന്ന വാര്ത്തകളുണ്ടായിരുന്നു. ഇവര് വിവാഹിതരാകുമെന്ന് കരുതിയ ആരാധകരെ ഞെട്ടിച്ചാണ് വിശാലിന്റെ വിവാഹ വാര്ത്ത എത്തിയിരിക്കുന്നത്.
അസിസ്റ്റന്റ് ഡയറക്ടറായി തമിഴ് സിനിമയില് എത്തി പിന്നീട് നടനായി മാറിയ വിശാലിന് 2005 ല് ഇറങ്ങിയ 'സണ്ടക്കോഴി'യാണ് കരിയറില് ബ്രേക്ക് സമ്മാനിച്ചത്. തമിഴ് ഫിലിം പ്രൊഡ്യൂസേഴ്സ് കൗണ്സിലിന്റെ പ്രസിഡന്റായ വിശാല് അടുത്തിടെ കൗണ്സിലിനകത്തെ ആഭ്യന്തരപ്രശ്നങ്ങളുമായി ബന്ധപ്പെട്ട സംഭവങ്ങളുടെ പുറത്ത് പൊലീസ് കസ്റ്റഡിയിലെടുത്തിരുന്നു.
കഴിഞ്ഞ ഡിസംബര് 20 നാണ് ചെന്നൈ ടി നഗറിലുളള തമിഴ് ഫിലിം പ്രൊഡ്യൂസേഴ്സ് കൗണ്സില് ഓഫിസിനു മുന്നിലെ സംഘര്ഷത്തിന്റെ പശ്ചാത്തലത്തില് നടനും നടികര് സംഘം അധ്യക്ഷനുമായ വിശാലിനെ പൊലീസ് കസ്റ്റഡിയിലെടുത്തത്. വിശാല് അധ്യക്ഷ സ്ഥാനം രാജിവയ്ക്കണമെന്ന് ആവശ്യപ്പെട്ട് മുന്നൂറോളം നിര്മ്മാതാക്കള് തമിഴ് ഫിലിം പ്രൊഡ്യൂസേഴ്സ് കൗണ്സില് ഓഫിസിനു മുന്നില് പ്രതിഷേധം സംഘടിപ്പിക്കുകയും ഓഫീസ് പൂട്ടുകയും ചെയ്തിരുന്നു. എന്നാല് വിശാല് പൂട്ട് പൊളിച്ച് ഓഫിസിന് അകത്തേക്ക് കടക്കാന് ശ്രമിച്ചത് സംഘര്ഷത്തിനിടയാക്കി. തുടര്ന്നാണ് സംഭവങ്ങള് വിശാലിന്റെ അറസ്റ്റില് കലാശിച്ചത്.
https://www.facebook.com/Malayalivartha
