പണത്തിനു വേണ്ടിയാണ് വിശാല് വിവാഹം കഴിക്കുന്നത്; ഭാവി വധുവിന്റെ മറുപടി
വിശാലിന്റെ വിവാഹവാര്ത്തയ്ക്ക് പിന്നാലെയുള്ള പാച്ചില് ഇനിയും കെട്ടടങ്ങിയിട്ടില്ല. ഹൈദരാബാദ് സ്വദേശിയായ അനീഷ അല്ലയെ വിശാല് വിവാഹം ചെയ്യുന്നു എന്ന റിപ്പോര്ട്ടുകള്ക്ക് പിന്നാലെ അനീഷയെ തിരഞ്ഞുപിടിക്കുന്ന തിരക്കിലായിരുന്നു ആരാധകര്. വിവാഹവാര്ത്ത ഔദ്യോഗികമായി പുറത്ത് വിട്ടതിന് ശേഷം വിമര്ശനവുമായി ചിലര് സമൂഹമാധ്യമങ്ങളില് പ്രത്യക്ഷപ്പെട്ടുതുടങ്ങി. വിമര്ശനങ്ങളെ അവഗണിക്കാത്തെ കൃത്യ മറുപടി നല്കിയിരിക്കുകയാണ് അനീഷ.
പണം കൊടുത്ത് നിങ്ങള്ക്ക് ആരെയും വാങ്ങാം, വിശാലിനെ മാത്രമല്ല, അയാളെ വെറുതെ വിടൂ എന്നായിരുന്നു കമന്റ്. പണത്തിനുവേണ്ടിയാണ് വിശാല് തന്നെ വിവാഹം ചെയ്യുന്നതെന്ന് വിശ്വസിക്കുന്നെങ്കില് അദ്ദേഹത്തെക്കുറിച്ച് ഒന്നുമറിയില്ല. ജീവിതത്തില് ചിലപ്പോഴെങ്കിലും ഒരല്പ്പം വിശ്വാസം പുലര്ത്തൂ, ഇനിയും ഒരുപാട് ദൂരം പോകാനുള്ളതാണ് എന്നായിരുന്നു കമന്റിന് അനീഷ നല്കിയ മറുപടി.
വിശാലുമായുള്ള വിവാഹനിശ്ചയം കഴിഞ്ഞ വിവരം അനീഷയാണ് ആദ്യം പുറം ലോകത്തെ അറിയിച്ചത്. ഓഗസ്റ്റില് ഇവര് വിവാഹിതരാകുമെന്നാണ് ഇപ്പോള് പുറത്ത് വരുന്ന റിപ്പോര്ട്ടുകള്.
https://www.facebook.com/Malayalivartha