വിക്രവും ഒത്തുള്ള സെല്ഫിക്ക് തിരക്കിനിടെ ശ്രമം നടത്തിയ ആരാധകന് സെല്ഫി നിഷേധിച്ച് വിക്രം
പൊതുവേദികളില് സൗമ്യത കൈവിടാത്ത താരമാണ് വിക്രം. ചെറുവേഷങ്ങളില് സിനിമയിലെത്തി ഒരുപാട് കഷ്ടപ്പെട്ട് ഉയരങ്ങളില് എത്തിയതു കൊണ്ടാകാം സാധാരണക്കാരുടെ വികാരങ്ങള് പെട്ടെന്ന് അദ്ദേഹത്തിനു മനസിലാകുകയും ചെയ്യും. പ്രമുഖ ചാനലിന്റെ അവാര്ഡ് പുരസ്കാര സമര്പ്പണ ചടങ്ങില് സുരക്ഷാ ഉദ്യോഗസ്ഥര് തടഞ്ഞു നിര്ത്തിയ ആരാധകനൊപ്പം സെല്ഫിയെടുത്ത് മാതൃക കാട്ടിയിരുന്നു.
എന്നാല് സെല്ഫിയെടുക്കാന് വന്ന ആരാധകനോട് വിക്രം ദേഷ്യപ്പെട്ടു എന്ന തരത്തിലുള്ള വാര്ത്തകള് ഇപ്പോള് സമൂഹമാധ്യമങ്ങളില് പ്രചരിക്കുകയാണ്. സെല്ഫി എടുക്കാന് അരികിലെത്തിയ ആരാധകനെ ചൂടോടെ പറപ്പിക്കുന്ന വിക്രത്തിന്റെ വിഡിയോ എന്ന ശീര്ഷകത്തില് വിഡിയോ സമൂഹമാധ്യമങ്ങളില് തരംഗമാകുകയും ചെയ്തു.
ചെന്നൈയില് ജിം ഉദ്ഘാടനം ചെയ്യാന് എത്തിയതായിരുന്നു താരം. നൂറുകണക്കിന് ആരാധകര് താരത്തെ ഒരുനോക്ക് കാണാന് എത്തിയിരുന്നു. എല്ലാവര്ക്കുമൊപ്പം ഫോട്ടോയ്ക്ക് പോസ് ചെയ്ത താരം അതീവസന്തോഷവാനുമായിരുന്നു.
ഉദ്ഘാടനത്തിന് ശേഷം ജിം സന്ദര്ശിക്കുന്നതിനിടെയാണ് ആരാധകരില് ഒരാള് വിക്രത്തിന് അരികിലേയ്ക്ക് ഓടിയെത്തി സെല്ഫി എടുക്കാന് ശ്രമിച്ചത്. തന്നോട് അനുവാദം വാങ്ങാതെ വന്നതിനാലാകും ആ ആരാധകനെ സൗമ്യനായി വിക്രം മാറ്റി നിര്ത്തി. എന്നാല് താരം ആരാധകനോട് ദേഷ്യപ്പെട്ടു എന്ന തരത്തിലാണ് വിഡിയോ സമൂഹമാധ്യമങ്ങളില് പ്രചരിക്കുന്നത്.
https://www.facebook.com/Malayalivartha