അങ്ങ് തെലുങ്കില് ചെന്ന് അല്ലു അര്ജുനെയും വെടിവെച്ചു വീഴ്ത്തി; പ്രിയാ വാര്യര് തരംഗം വീണ്ടും
ഒമര് ലുലു ചിത്രം ഒരു അഡാര് ലൗവിന്റെ തെലുങ്കു പതിപ്പിന്റെ ഓഡിയോ ലോഞ്ച് ചിത്രങ്ങളാണ് ഇപ്പോള് സമൂഹമാധ്യമങ്ങളില് വൈറലാകുന്നത്. ലൗവേഴ്സ് ഡേ എന്ന പേരില് തെലുങ്കില് റിലീസിനെത്തുന്ന ചിത്രത്തിന്റെ ഓഡിയോ പുറത്തുവിട്ടത് നടന് അല്ലു അര്ജ്ജുനാണ്. ചിത്രത്തിലെ നായികാനായകന്മാരായ പ്രിയ പ്രകാശ് വാര്യറും റോഷനുമടക്കമുള്ളവര് പരിപാടിയില് പങ്കെടുത്തു.
പരിപാടിക്കിടയില് ചിത്രത്തിലെ ഹിറ്റ് സീന് അല്ലു അര്ജ്ജുന് മുന്നില് അവതരിപ്പിക്കുന്ന പ്രിയയുടെ ചിത്രമാണ് ഇപ്പോള് വൈറലായിരിക്കുന്നത്. പ്രേക്ഷകള് ഏറെ ആകാംഷയോടെ കാത്തിരിക്കുന്ന ചിത്രം ഫെബ്രുവരി 14 പ്രണയദിനത്തിലാണ് തീയറ്ററുകളിലെത്തുന്നത്.
ഹാപ്പി വെഡിംഗ്, ചങ്ക്സ് എന്നീ സിനിമകള്ക്ക് ശേഷം യുവ സംവിധായകന് ഒമര് ലുലു അണിയിച്ചൊരുക്കുന്ന ഒരു അഡാര് ലൗ കൗമാരക്കാരുടെ പ്രണയവും സൗഹൃദവും പ്രമേയമാക്കുന്ന ചിത്രമാണ്. പ്രധാനവേഷങ്ങളില് പുതുമുഖങ്ങളെത്തുന്ന സിനിമയുടെ സംഗീത സംവിധായകന് ഷാന് റഹ്മാനാണ്.
https://www.facebook.com/Malayalivartha