ബോളിവുഡ് താരം ശ്രീദേവിയുടെ മകള്‍ സിനിമയില്‍ അരങ്ങേറ്റം കുറിക്കുന്നുവെന്ന വാര്‍ത്തകള്‍ പുറത്തുവന്നതിന് പിന്നാലെ പ്രതികരണവുമായി താരം രംഗത്ത്. വാര്‍ത്തകള്‍ അടിസ്ഥാന രഹിതമാണെന്നും തന്റെ മകള്‍ ജാന്‍വി സിനിമയെക്കുറിച്ച് ഇപ്പോള്‍ ചിന്തിക്കുന്നില്ലെന്നുമായിരുന്നു ശ്രീദേവിയുടെ പ്രതികരണം. സൂപ്പര്‍ താരം ദുല്‍ഖര്‍ സല്‍മാന്റെ നായികയുടെ വേഷത്തിലാവും ജാന്‍വി അരങ്ങേറ്റം കുറിക്കുകയെന്ന വാര്‍ത്തകള്‍കൂടി പുറത്തുവന്നതിന് പിന്നാലെയായിരുന്നു ശ്രീദേവിയുടെ പ്രതികരണം.
ശ്രദ്ധയിപ്പോള്‍ പഠിക്കുന്നതിലാണെന്നും അവള്‍ക്ക് നായികയാകാനുള്ള പക്വതയായിട്ടില്ലെന്നും ശ്രദേവി പറയുന്നു. ജാന്‍വി ഗ്രാജുവേഷന്‍ പൂര്‍ത്തിയാക്കിയതേയുള്ളു. തുടര്‍ന്ന് പഠിക്കാനാണ് അവള്‍ക്കിഷ്ടം. എന്നാല്‍ സിനിമയില്‍ ഭാവികണ്ടെത്താനാണ് അവളുടെ വിധിയെങ്കില്‍ അത് അങ്ങനെതന്നെ നടക്കുമെന്നും ശ്രീദേവി കൂട്ടിച്ചേര്‍ത്തു. ഇളയ ദളപതി വിജയ് നായകനാകുന്ന ബ്രഹ്മാണ്ഡ ചിത്രം പുലിയുടെ റിലീസിങ്ങിനായി കാത്തിരിക്കുകയാണ് ശ്രീദേവി ഇപ്പോള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha