അരവിന്ദ് സ്വാമി ഭാസ്കര് ദ റാസ്കലാകുന്നു
മമ്മൂട്ടിയുടെ ഭാസ്കര് ദ റാസ്കലായി തമിഴില് അരവിന്ദ് സ്വാമി എത്തുന്നു. സിദ്ധിഖ് തന്നെയാണ് തമിഴിലും സിനിമ സംവിധാനം ചെയ്യുന്നത്. മലയാളത്തില് സിനിമ സൂപ്പര് ഹിറ്റായപ്പോഴേ തമിഴിലും ഹിന്ദിയിലും റീമേക്ക് ചെയ്യാന് സിദ്ധിഖിന് ഓഫര് ലഭിച്ചിരുന്നു. ബോഡിഗാര്ഡ് തമിഴിലും ഹിന്ദിയിലും സൂപ്പര്ഹിറ്റായത് കൊണ്ടാണിത്.
തമിഴില് അജിത്തിനെ നായകനാക്കാനായിരുന്നു ആദ്യം ആലോചിച്ചിരുന്നത്. അതിന്റെ ചര്ച്ചകളും നടന്നിരുന്നു. മധ്യവയസ്കന്റെ വേഷം അജിത്ത് ചെയ്താല് നന്നാകുമായിരുന്നു. എന്നാല് ആ പ്രോജക്ട് നടന്നില്ല. പിന്നീട് രജനീകാന്ത് തന്നെ ഈ കഥാപാത്രത്തെ അഭിനയിക്കാന് താല്പര്യം പ്രകടിപ്പിച്ചു.
എന്നാല് യന്തിരന്റെ രണ്ടാം ഭാഗത്തിന്റെ തിരക്ക് കാരണം അതും നടന്നില്ല. ഇതിനിടെ സിദ്ധിഖ് ജയസൂര്യയെ നായകനാക്കി ഫുക്രി ഒരുക്കി. ഇപ്പോള് അരവിന്ദ് സ്വാമിയെ കേന്ദ്രകഥാപാത്രമാക്കാന് തീരുമാനിച്ചു. മമ്മൂട്ടിയും അരവിന്ദ് സ്വാമിയും സൗന്ദര്യത്തില് ഒരു പോലെയാണ്. അതുകൊണ്ട് റാസ്കലായി അരവിന്ദ് സ്വാമിക്ക് തിളങ്ങാനാവുമെന്ന് പ്രതീക്ഷിക്കാം.
https://www.facebook.com/Malayalivartha
