ദുരൂഹതകളുടെ ടീം സോളാര്‍ ഓഫീസ്‌; മെഗാസ്റ്റാറും മറ്റുന്നതരും പങ്കെടുത്ത വാര്‍ഷികാഘോഷം
എറണാകുളം സെമിത്തേരിമുക്കില്‍ ഇന്‍ഫന്റ്‌ ജീസസ്‌ ചാപ്പലിന്‌ എതിര്‍വശമുള്ള ടീം സോളാറിന്റെ കോര്‍പറേറ്റ്‌ ഓഫീസ്‌ ദുരൂഹതകളുടെ മറ്റൊരു ലോകത്തേക്ക്‌ നമ്മെ കൊണ്ടു ചെന്നെത്തിക്കുന്നു. മൂന്നു നില കെട്ടിടത്തിന്റെ താഴത്തെ നിലയില്‍ പലവിധ കടകള്‍,അവയ്‌ക്കു സൈഡിലായി മുകളിലേക്കു കയറിപ്പോകാവുന്ന കോവണിപ്പടികള്‍. 700 സ്‌ക്വയര്‍ഫീറ്റ്‌ മാത്രം വരുന്ന ടീം ഓഫീസ്‌. കോടികളുടെ തട്ടിപ്പു നടത്തിയ സ്ഥാപനമെന്ന്‌ ഒരു നോട്ടത്തില്‍ തിരിച്ചറിയാന്‍ തക്ക പ്രൗഢിയില്ല. എന്നാല സ്വയം പറയുന്ന കഥകള്‍ക്ക്‌ ഈ കെട്ടിടം സാക്ഷിയാണ്‌.
മഫ്‌തിയിലും അല്ലാതെയും ഇന്നു സദാ പോലീസ്‌ കാവല്‍ നില്‍ക്കുന്ന ഇരുനില കെട്ടിടത്തില്‍ ദുരൂഹതകളേറുന്നു.
കോര്‍പ്പറേറ്റ്‌ ഓഫീസിനു പിന്നിലായി പഞ്ചനക്ഷത്ര സൗകര്യമുളള അഞ്ചു ബെഡ്‌റൂമുകള്‍. കാര്‍പോര്‍ച്ചിനകത്തുകൂടെയുള്ള വാതില്‍ ഈ ആഢംബരങ്ങളിലേക്കാണ്‌ തുറക്കുക. സോളാര്‍ സന്ദേശം കൊണ്ട്‌ കേരളത്തെ കോരിത്തരിപ്പിച്ച ടീം സോളാര്‍ ഓഫീസ്‌ പോലും സോളാര്‍ വൈദ്യുതി ഉപയോഗിച്ചിരുന്നില്ല.
കമ്പനി എക്‌സിക്യൂട്ടീവിന്റെ എല്ലാ വിധ പത്രാസിലുമാണ്‌ സരിതാനായരുടെ വരവ്‌. കൂടെ രണ്ടു സഹായികളും എപ്പോഴുമുണ്ടാകും. ഓഫീസിന്‌ മുന്നിലായി രണ്ടു ടാക്‌സി കാറുകളും ഒരു സ്വകാര്യകാറും എപ്പോഴുമുണ്ടാകും. അതിഥികളെ സ്വീകരിക്കാനും സല്‍ക്കരിക്കാനും പ്രത്യേക സ്‌ത്രീകളുണ്ട്‌. ഇവരുടെ മേല്‍നോട്ടം ശാലുമേനോനായിരുന്നു. സ്റ്റാഫുകളില്‍ ജി.എം ഉള്‍പ്പെടെ മിക്കവരും എറണാകുളത്തെ ഓട്ടോ ഡ്രൈവര്‍മാര്‍ ആയിരുന്നു. മാഫിയാക്രിമിനല്‍ ബന്ധമുള്ളവരുമാണ്‌ ഇവര്‍. ജി.എമ്മിന്‌ ഇപ്പോള്‍ കണ്ടയര്‍ റോഡ് വാഹനത്തില്‍ ഐസ്‌ക്രീം വില്‍ക്കലാണ്‌ പണി.
മെഗാസ്‌ററാറും ഡ്രീംസ്‌ഹോട്ടല്‍ പ്രോഗ്രാമും
ടീം സോളാറിന്റെ ഒന്നാം വാര്‍ഷികാഘേഷത്തിന്‌ ഡ്രീംസ്‌ ഹോട്ടലില്‍ പൊടിച്ചത്‌ 20 ലക്ഷത്തിലേറെ രൂപയാണ്. മലയാളത്തിന്റെ മെഗാസ്റ്റാറും, ദുബായ്‌ പോര്‍ട്ട്‌ ടെസ്റ്റ്‌ ഉന്നതനും, മലയാളത്തിലെ ഒട്ടുമിക്ക നടീനടന്മാരും, രണ്ടു മന്ത്രിമാരും പങ്കെടുത്ത സൂപ്പര്‍ മെഗാഷോ. ശാലു മേനോന്‍ സംവിധാനം ചെയ്‌ത്‌ ഹോട്ട്‌ നൃത്തരംഗങ്ങള്‍കൊണ്ട്‌ പങ്കെടുത്ത എല്ലാവരെയും ഇക്കിളിപ്പെടുത്തുന്ന ഇവന്റ്‌ മാനേജ്‌മെന്റ്‌. രാഷ്‌ട്രീയ സാമൂഹിക ഉന്നതര്‍ പങ്കെടുത്ത ഈ പ്രോഗ്രാമില്‍ നിന്നു തന്നെ കോടികള്‍ മറിക്കുവാന്‍ ബിജുവിനും സരിതയ്‌ക്കും കഴിഞ്ഞുവത്രെ.
ഉദാരമതിയായ സരിത
ഫോണ്‍ കോളുകളില്‍ മാത്രമല്ല പാവപ്പെട്ടവര്‍ക്കും, ഓഫീസിനു ചുറ്റുമുള്ള ആവശ്യക്കാര്‍ക്ക്‌ കൈയയച്ചു സംഭാവന നല്‍കി ചുറ്റുമുള്ളവരെ ഇവര്‍ ആകര്‍ഷിച്ചു.
ടീം സോളാറിന്റെ ബിസിനസ്‌ തന്ത്രം
എറണാകുളത്ത്‌ പരമാര റോഡില്‍ സെക്കന്‍ഡ്‌ഹാന്‍ഡ്‌ സാധനങ്ങള്‍( വിദേശത്തുനിന്നു വരുത്തുന്നവ) വില്‍ക്കുന്ന സ്ഥലമുണ്ട്‌. അവിടെ സോളാര്‍ സംബന്ധിയായ ചില ഉപകരണങ്ങള്‍ കിട്ടും. സരിതയും ബിജുവും ഇവിടെനിന്ന്‌ ചില സാധനങ്ങളൊക്കെ വാങ്ങി ഇവരുടെ ഓഫീസില്‍ നിരത്തി. വിദേശത്തുനിന്ന്‌ പ്രത്യേകിച്ച്‌ ഹോങ്കോംഗ്‌ ഉല്‍പന്നങ്ങളാണധികവും.
ടീം സോളാറിനെക്കുറിച്ചന്വേഷിച്ച മലയാളി വാര്‍ത്ത ടീം ഞെട്ടിക്കുന്ന കഥകളാണറിയുന്നത്‌.
https://www.facebook.com/Malayalivartha
