മാമം അപകടത്തില് പരിക്കേറ്റ് വന്ന രണ്ടു പേര് മരണമടഞ്ഞു, 33 പേരെ ആശുപത്രിയില് പ്രവേശിപ്പിച്ചു, 4 പേര് ഐ സി യുവിലും 27 പേര് വാര്ഡിലും
മാമം അപകടത്തില് പരിക്കേറ്റ് വന്ന രണ്ടു പേര് മരണമടഞ്ഞു. 33 പേരെ ആശുപത്രിയില് പ്രവേശിപ്പിച്ചു. 27 പേരെ വാര്ഡില് അഡ്മിറ്റാക്കി. ഗുരുതരമായി പരിക്കേറ്റ 5 പേര് ഐസിയുവിലാണ്. പട്ടികജാതി വികസന വകുപ്പിലെ കാരാണിയിലെ ഐടിഐ ഒന്നാം വര്ഷ വിദ്യാര്ത്ഥിനി എന്.അശ്വതി(17), ആറ്റിങ്ങല് സ്വദേശിനി അശ്വതി(16) എന്നിവരാണ് മരിച്ചത്. വര്ക്കല വട്ടപ്ലാമൂട് കോളനി റീനാഭവനില് നമ്പീശന്- സുഭദ്രാ ദമ്പതികളുടെ മകളാണ് എന്.അശ്വതി, ആശുപത്രിയില് എത്തിയപ്പോഴേക്കും മരണം സംഭവിച്ചിരുന്നു. പരിക്കേറ്റവരെ 5, 19 വാര്ഡുകളിലാണ് കിടത്തിയിരിക്കുന്നത്. ഗുരുതരമായുള്ളവര് സര്ജിക്കല് ഐസിയുവിലും ക്രിറ്റിക്കല് കെയര് ഐസിയുവിലുമാണ്. കൂടുതല് പേര്ക്കും തലയ്ക്കും നെഞ്ചിനുമാണ് പരിക്കേറ്റത്. എല്ലുകള്ക്ക് ഒടിവും സംഭവിച്ചിട്ടുണ്ട്.![\"\"](\"/userfiles/att.jpg\")
ഡോക്ടര്മാര് മാതൃകയായി
നാടിനെ നടുക്കിയ ദുരന്തത്തില് പരിക്കേറ്റുവന്നവരെ ചികിത്സിച്ച് മെഡിക്കല് കോളേജ് ഡോക്ടര്മാര് ഒരിക്കല് കൂടി മാതൃകയായി. സംഭവം അറിഞ്ഞ ഉടന് തന്നെ മെഡിക്കല് കോളേജ് പ്രിന്സിപ്പല് ഡോ. തോമസ് മാത്യുവിന്റെ നേതൃത്വത്തിലുള്ള ഉന്നത ഡോക്ടര് സംഘം എല്ലാവിധ സജ്ജീകരണവുമായി കാത്തു നിന്നു. അറുമണി കഴിഞ്ഞപ്പോള് ഒന്നിനു പുറകേ ഒന്നായി പരിക്കേറ്റവരെ കൊണ്ടെത്തിച്ചിരുന്നു.
വരുന്നവരെയനുസരിച്ച് വിദഗ്ധ ഡോക്ടര് സംഘം അത്യാഹിത വിഭാഗത്തില് വച്ചു തന്നെ അവരെ പരിശോധിച്ച് വിദഗ്ധ പരിശോധനയും ചികിത്സയും നല്കി അഡ്മിറ്റാക്കി. കാത്തു നിന്ന ജനങ്ങള്ക്ക് മൈക്ക് അനൗണ്സ്മെന്റിലൂടെ അപ്പപ്പോള് അറിയിപ്പുകള് നല്കി. മീഡിയ സെല് വഴി അപ്പപ്പോള് എല്ലാ മാധ്യമങ്ങള്ക്കും ചികിത്സയുടെ വിവരങ്ങള് പത്രക്കുറിപ്പായും ഫോണ് വഴിയും നല്കി. പോലീസുകാരും ജാഗരൂഗരായി വേണ്ട സഹായം ചെയ്തു കൊടുത്തു.
മെഡിക്കല് കോളേജ് പ്രിന്സിപ്പല് ഡോ. തോമസ് മാത്യു, സൂപ്രണ്ട് ഡോ. കെ. മോഹന്ദാസ്, ഡെപ്യൂട്ടി സൂപ്രണ്ട് കെ. ശ്രീനാഥ്, ക്യാഷ്വാലിറ്റി സൂപ്രണ്ട് ഡോ. സുല്ഫിക്കര്, ആര് എം.ഒ. ഡോ. ഋഷികേശ്, സര്ജറി എം.ഒ. ഫഹദു സമാന്, ഓര്ത്തോ എം.ഒ. ഡോ. ഷാനവാസ് എന്നിവരുടെ നേതൃത്വത്തില് 10 മെഡിക്കല് ഓഫീസര്മാരും 25 പി.ജി. ഡോക്ടര്മാരും, 30 മെഡിക്കല് വിദ്യാര്ത്ഥികളും നിരവധി നഴ്സുമാരും മറ്റ് ജീവനക്കാരും ചികിത്സാപ്രവര്ത്തനത്തില് ഏര്പ്പെട്ടു. 33 പേരെ മെഡിക്കല് കോളേജില് കൊണ്ടു വന്നു.
അജി (37) കോരാണി, അനിത (48) മങ്കാട്ടുമൂല, അഞ്ജന (18) മംഗലത്തുനട, അശ്വതി (16) ഊരുപൊയ്ക, അശ്വതി (19) ഇടയ്ക്കോട്, ഗോപിക (16) ഊരുപൊയ്ക, ജയശ്രീ (24) ആറ്റിങ്ങല്, മിഥുന് (18) ആറ്റിങ്ങല്, സംഗീത (24) വര്ക്കല, സേതുലക്ഷ്മി (18) കടവിള, ശര്മ്മ (29) കടയ്ക്കല്, ഷിജി (19) പാരിപ്പള്ളി,സിജിന് (18) ആറ്റിങ്ങല്, സൗമ്യ (17) അവനനഞ്ചേരി, സുമേഷ് (23) മുടപുരം, ഉണ്ണികൃഷ്ണന് (27) ആറ്റിങ്ങല്, ശിവന് (20) ഊര് പൊയ്ക, സുമി (18) വെള്ളല്ലൂര്, സനല് (32) മാമം, സജി (34) കുറക്കട, സജികുമാര് (31) നെട്ടയം, സജീവ് (34) കോരാണി, നൂര്ജഹാന് (32) വാളക്കാട,് നീതു (18) ഊരുപൊയ്ക, മോഹനന് (58) കുറക്കട ഇത്രയും പേരെ തിരിച്ചറിഞ്ഞിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
