സന്തോഷ് മാധവന് ആരാണ്?
വിവാദസ്വാമി സന്തോഷ് മാധവന് വിവിധ വ്യക്തികളില് നിന്നും ആദര്ശ് പ്രൈം പ്രോജക്ട് ലിമിറ്റഡ് എന്ന സ്ഥാപനത്തിന്റെ പേരില് വാങ്ങിയ നെല്വയലുകള്ക്ക് ഭൂപരിധി നിയമത്തില് ഇളവ് അനുവദിക്കാനുള്ള സര്ക്കാര് തീരുമാനത്തെ ഒറ്റ വരിയില് വിശേഷിപ്പിച്ചാല്, ഈനാംപേച്ചിക്ക് മരപ്പട്ടി കൂട്ട്. അഥവാ സന്തോഷ് മാധവന് ഉമ്മന്ചാണ്ടി കൂട്ട്.
ആരാണ് സന്തോഷ് മാധവന്? 1960 ജൂണ് 7 നാണ് സ്വാമി ജനനം കൊണ്ടത്. അമൃതചൈതന്യ എന്ന പേരിലാണ് അദ്ദേഹം അറിയപ്പെട്ടത്. 2004 മുതല് ഇന്റര്പോള് അന്വേഷിക്കുന്ന പ്രതിയാണ് അദ്ദേഹം. യുഎഇ ആസ്ഥാനമാക്കി നടത്തിയ ഒരു കുറ്റകൃത്യത്തിനാണ് ഇന്റര്പോള് സ്വാമിജിക്ക് വലവിരിച്ചത് . ദുബായില് പ്രവര്ത്തിക്കുന്ന ഇന്ത്യന് വംശജ ഷെറഫിന് എഡ്വിനെ 2002 ല് 400,000 ദിറംസ് വഞ്ചിച്ചതിനാണ് ഇന്റര്പോള് സ്വാമിയെ സ്നേഹിക്കാന് ആരംഭിച്ചത്.
സ്വാമിക്ക് സ്വന്തമായി ഒരു ട്രസ്റ്റുണ്ട്, പേര് ശാന്തിതീരം.സ്വാമിയെ പോലെ എപ്പോഴും ശാന്തമാണ് ട്രസ്റ്റും. സ്വാമിക്കൊരു വീക്ക്നസുണ്ട്. പ്രായം തികയാത്ത പെണ്കുട്ടികളെ കണ്ടാല് വശീകരിച്ച് ബ്ലൂഫിലിമെടുക്കും. 2009 മെയ് 20ന് പ്രായം തികയാത്ത പെണ്കുട്ടികളെ പീഡിപ്പിച്ചതിന് 16 കൊല്ലമാണ് കോടതി അദ്ദേഹത്തെ ശിക്ഷിച്ചത്.
സ്വന്തമായി ആശ്രമം സ്ഥാപിച്ച ശേഷം പ്രായപൂര്ത്തിയാകാത്ത പെണ്കുട്ടികളെ ബലാല്സംഗം ചെയ്യുന്നതിനാണ് സ്വാമിക്ക് താത്പര്യം. 2006ല് 22 വയസ്സുള്ള ഒരു യുവതിയെ ബലാല്സംഗം ചെയ്ത കേസിലും അദ്ദേഹം പ്രിയാണ്. പോലീസില് സ്വാമിക്ക് വേണ്ടത്ര സ്വാധീനമുള്ളതിനാല് അദ്ദേഹം രക്ഷപ്പെടാറുണ്ട്. പെണ്വാണിഭ കേസിലും സ്വാമിക്ക് അനുകൂലമായാണ് പോലീസ് കേസ് കെട്ടിചമച്ചത്.
റവന്യൂ സെക്രട്ടറിയായിരുന്ന ടിഒ.സൂരജാണ് സ്വാമിയുടെ നിലങ്ങള്ക്ക് ഇളവു പ്രഖ്യാപിച്ച് ഉത്തരവിറക്കിയത്. സ്വാമിക്ക് യുഡിഎഫ് മന്ത്രിസഭയില് നിരവധി ശിഷ്യഗണങ്ങളുണ്ട്. ഒരു സെക്രട്ടറി മാത്രം വിചാരിച്ചാല് ഇത്രയധികം ഏക്കറിന് ഇളവ് അനുവദിക്കാന് കഴിയുമെന്ന് ബുദ്ധിമാന്മാര് പോലും കരുതുകയില്ല. സര്ക്കാര് ഏറ്റെടുത്ത് ബോര്ഡ് വച്ച ഭൂമിയാണ് പതിച്ചു നല്കിയതെന്നോര്ക്കണം.
റവന്യൂമന്ത്രി കൂടി അറിഞ്ഞ ഇടപാടായതിനാല് കേസില് മുഖ്യന് മാത്രമാണ് പങ്കെന്ന് കരുതാന് നിര്വാഹമില്ല. അടൂര്പ്രകാശും കേസില് പ്രതിയായതിനാല് ചെന്നിത്തലയ്ക്കും സംഭവത്തില് പങ്കുണ്ടെന്ന് കരുതേണ്ടി വരും. ഏതായാലും പോണ പോക്കിലാണ് സര്ക്കാര് കടുംവെട്ട് മൂക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
