വിടുവായത്തരം പാരയായി, ജഗദീഷിനോട് കോണ്ഗ്രസിന് അതൃപ്തി
പത്തനാപുരത്ത് കോണ്ഗ്രസ് സ്ഥാനാര്ഥിയായി മത്സരിക്കാനിരുന്ന നടന് ജഗദീഷിന് വിനയായത് വിടുവായത്തരം. ജഗദീഷിന്റെ പരിധിവിട്ടുള്ള പ്രസംഗങ്ങള്ക്കെതിരെ ചില കോണ്ഗ്രസ് നേതാക്കള്ക്ക് അമര്ഷമുണ്ടായിരുന്നു. മാത്രമല്ല കെപിസിസി പ്രസിഡന്റ് വിഎം സുധീരനും ജഗദീഷിന്റെ ഇത്തരം പ്രസംഗങ്ങള് കോണ്ഗ്രസിനും യുഡിഎഫിനും ഗുണത്തേക്കാളേറെ ദോശമാണ് ഉണ്ടാക്കുന്നതെന്നും വിലയിരുത്തി. മാത്രമല്ല പത്തനാപുരത്ത് ജഗദീഷ് വിജയ സാധ്യതയുള്ള സ്ഥാനാര്ഥിയല്ലെന്നുമാണ് കൊല്ലം ഡിസിസി നേതൃത്വത്തെ അറിയിക്കുകയും ചെയ്തു. ഗണേഷിനെ അട്ടിമറിക്കാനുള്ള സ്ഥാനാര്ഥിയായി ജഗദീഷിനെ കാണാനാതില്ലെന്ന് ഇന്നലെ ചേര്ന്ന കോണ്ഗ്രസ് ഉന്നതാധികാര സമിതിയും കണ്ടെത്തി. ഇതിനെ തുടര്ന്നാണ് ഗണേഷിനെതിരെ വിജയ സാധ്യതയുള്ള സ്ഥാനാര്ഥിയെ കണ്ടെത്താനും അത് ഗണേഷ് കുമാറിന്റെ ആദ്യഭാര്യയായ യാമിനി തങ്കച്ചിയില് എത്തി നില്ക്കുന്നതും. യാമിനി സമ്മതിച്ചാല് യാമിനിയാകും പത്തനാപുരത്ത് യുഡിഎഫ് സ്ഥാനാര്ഥി.
തെരഞ്ഞെടുപ്പ് വിജ്ഞാപനം വന്നതുമുതല് ജഗദീഷ് പത്തനാപുരത്ത് ഗണേഷിനെതിരെ യുഡിഎഫ് മത്സരിക്കുമെന്ന് പ്രചാരണം വന്നിരുന്നു. അതിനു പിന്നാലെ മണ്ഡലത്തിലെത്തിയ ജഗദീഷ് പ്രദേശത്തെ പരിപാടികളിലും പങ്കെടുക്കകയും ജനങ്ങള്ക്ക് താനാകും ഗണേഷിനെതിരെ മത്സരിക്കുക എന്ന പ്രതീതി പരത്തുകയും ചെയതിരുന്നു. എന്നാല് ആദ്യം കോണ്ഗ്രസ് നേതൃത്വവും ജഗദീഷിന് സീറ്റ് നല്കാനുള്ള തീരുമാനത്തിലായിരുന്നു. എന്നാല് ബാലകൃഷ്ണപിള്ളയ്ക്കും ഗണേഷിനും വ്യക്തിപരമായും ഏറെ സ്വാധീനമുള്ള പത്തനാപുരം മണ്ഡലത്തില് ജഗദീഷിനെപ്പോലൊരു സ്ഥാനാര്ഥി വിജയിക്കില്ലെന്ന് ആദ്യം തന്നെ അവിടത്തെ മണ്ഡലം കമ്മിറ്റി നേതൃത്വത്തെ അറിയിച്ചു. മാത്രമല്ല ജഗദീഷിന്റെ ചില പ്രസംഗങ്ങള്ക്കെതിരെയും നേതാക്കള് രംഗത്തെത്തി.
വായില് സ്വര്ണ്ണകരണ്ടിയുമായി ജനിച്ചവര്ക്ക് ജനങ്ങളുടെ വികാരം മനസിലാകില്ലെന്നും നല്ല സ്വഭാവമുള്ളവരെ വേണം നിയമസഭയിലേക്കയക്കാനെന്നുമൊക്കെ ജഗദീഷ് മണ്ഡലത്തില് പ്രസംഗിച്ചതും കോണ്ഗ്രസിന് അദ്ദേഹത്തോട് അതൃപ്തി ഉണ്ടാവാന് കാരണമായി. മാത്രമല്ല ജഗദീഷും ഗണേഷും തമ്മിലുള്ള വാക്പോരും രൂക്ഷമായി. ജഗദീഷിന്റെ പരാമര്ശങ്ങള്ക്കെതിരെ ഗണേഷ് രംഗത്തുവന്നു. മാത്രമല്ല യുഡിഎഫ് ഉണ്ടാക്കിയവരില് പ്രധാനിയായ ബാലകൃഷ്ണപിള്ളയെ പിണക്കാനും കോണ്ഗ്രസിന് താല്പര്യമില്ല. ഇതൊക്കെ ജഗദീഷിന് പാരയായതായാണ് റിപ്പോര്ട്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha