മണിയുടെ പേരില് ചാലക്കുടിയില് ദിലീപിന്റെ തീയേറ്റര് വരുന്നു
കലാഭവന് മണിയുടെ സ്മരണയ്ക്കായി ചലച്ചിത്രതാരം ദിലീപ് ചാലക്കുടിയില് തീയേറ്റര് സമുച്ചയം നിര്മ്മിക്കും. കലാഭവന് മണിയുടെ പേരായിരിക്കും തീയേറ്ററിന് ഇടുക.
ചാലക്കുടിയില് സിനിമാ തീയേറ്റര് നിര്മ്മിക്കാന് ദിലീപ് വളരെ മുമ്പേ തീരുമാനിച്ചതാണ്. അത് കലാഭവന് മണിയെ ഏല്പ്പിക്കാനായിരുന്നു ദിലീപിന്റെ പദ്ധതി. എന്നാല് തികച്ചും അപ്രതീക്ഷിതമായി മണി മരിച്ചു. അതോടെ തീയേറ്റര് സ്വപ്നം അവസാനിപ്പിക്കാനുള്ള ആലോചനയിലായിരുന്നു ദിലീപ്.
എന്നാല് മണിയുടെ പേരില് തിയേറ്റര് നിര്മ്മിക്കാനാണ് ദിലീപ് ഇപ്പോള് ആലോചിക്കുന്നത് . കലാഭവന് മണിക്ക് നല്കാന് കഴിയുന്ന ഏറ്റവും വലിയ ആദരമായിരിക്കും അതെന്നും ദിലീപ് പറയുന്നു.
തിയേറ്റര് നിര്മ്മിക്കുന്ന കാര്യം മണി ജീവിച്ചിരുന്ന കാലത്ത് തന്നെ അദ്ദേഹത്തോട് ദിലീപ് പറഞ്ഞിരുന്നതാണ്.
മോശക്കാരായ കൂട്ടുകാരാണ് മണിയെ വഴിതെറ്റിച്ചതെന്ന് ദിലീപ് പറയുന്നു. അവര്ക്ക് നിരവധി താത്പര്യങ്ങളുണ്ടായിരുന്നു. പ്രധാനമായും മണിയുടെ പണം. സമ്പത്ത് ലക്ഷ്യമിട്ടെത്തുന്ന സുഹൃത്തുക്കളെ ഒരിക്കലും വിശ്വസിക്കരുത്. കലാഭവന് മണി എല്ലാവരെയും കണ്ണടച്ച് വിശ്വസിച്ചു. അതായിരുന്നു അദ്ദേഹത്തിന്റെ ഏറ്റവും വലിയ ദുരന്തം- ദിലീപ് പറഞ്ഞു.
സിനിമയില് കാല് നൂറ്റാണ്ട് പൂര്ത്തിയാക്കുന്ന ദിലീപിന് ചലച്ചിത്ര ലോകത്തോടുള്ള അഞ്ജലിയാണ് ചാലക്കുടിയിലെ തീയേറ്റര്. സിനിമയുടെ ആദ്യകാലത്ത് ഞാന് കലാഭവന് മണിയുടെ മടിത്തട്ടില് കിടന്നാണ് ഉറങ്ങിയിരുന്നത്. മണിക്കൂറുകളോളം ഇങ്ങനെ ഉറങ്ങിയിട്ടുണ്ട്. മണിയുടെ കാലു വേദനിക്കുമെന്ന് ഞാന് ചിന്തിച്ചില്ല. അമ്മയുടെ മടിത്തട്ടില് കിടന്നുറങ്ങുന്ന അനുഭവമായിരുന്നു അത് ദിലീപ് പറഞ്ഞു
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha