മമ്മൂട്ടി ഓരോ സിനിമയിലും വ്യത്യസ്തമായ ഗെറ്റപ്പില്‍ പ്രത്യക്ഷപ്പെടുമ്പോള്‍ മോഹന്‍ലാല്‍ അങ്ങനെയല്ല. ഇപ്പോതന്നെ ഒന്നര വര്‍ഷത്തോളമായി താരം താടി വടിച്ചിട്ട്. മിസ്റ്റര്‍ ഫ്രോഡ്, പെരുച്ചാഴി, ഓ ലൈലാ ഓ, ലോഹം, കനല്‍ തുടങ്ങിയ ചിത്രങ്ങളിലെല്ലാം താടിയുമായാണ് താരം സ്‌ക്രീനിലെത്തിയത്. ഇപ്പോ പ്രിയദര്‍ശന്റെ ഒപ്പത്തിലും താടിയുണ്ട്. ഇത് മനപ്പൂര്‍വം ചെയ്യുന്നതല്ലെന്നാണ് താരം പറയുന്നത്. കഥാപാത്രങ്ങള്‍ ആവശ്യപ്പെടുന്നത് അനുസരിച്ച് ചെയ്യുന്നതാണ്. പിന്നെ മറ്റ് ചില സിനിമകളുടെ കണ്ടിന്യുവിറ്റി കാരണം താടി വടിക്കാനും നിവൃത്തിയുണ്ടായില്ല. 

ദൃശ്യത്തിലാണ് താടിയില്ലാതെ താരത്തെ ആദ്യം കണ്ടത്. 2013 ഡിസംബറിലാണ് ദൃശ്യം ഇറങ്ങിയത്. കൂതറയിലേത് വെപ്പ് താടിയായിരുന്നു. പുലിമുരുകനിലും താടിയുണ്ട്. എന്ത് ചെയ്യാം. ലോഹത്തിലും കനലിലും ചില സീനുകളില്‍ താടിയില്ലാതെ അഭിനയിച്ചിരുന്നു. അത് പക്ഷെ, കുറച്ച് ദിവസത്തേക്ക് മാത്രം. ഒപ്പത്തിന്റെ ആദ്യ ഷെഡ്യൂള്‍ പൂര്‍ത്തിയാക്കിയ താരം തെലുങ്ക് സിനിമയില്‍ അഭിനയിക്കുകയാണ്. അവിടെ നിന്ന് തിരിച്ചെത്തുമ്പോള്‍ താടി എടുക്കും പരസ്യചിത്രത്തില്‍ അഭിനയിക്കാന്‍. 

അത് കഴിഞ്ഞ് വീണ്ടും താടി വളര്‍ത്തും ഒപ്പത്തില്‍ അഭിനയിക്കാന്‍. എന്ത് ചെയ്യാനാ, അമ്പിളി ചേട്ടന്‍ പറഞ്ഞ് കേട്ടിട്ടുണ്ട്, മര്യാദയ്ക്ക് മീശ വച്ചിട്ട് വര്‍ഷങ്ങളായെന്ന്. കാരണം ഓരോ സിനിമയിലും ഓരോ തരം മീശകളായിരിക്കും പുള്ളിക്ക്. അതുകൊണ്ട് അദ്ദേഹം എന്നും ക്ലീന്‍ഷേവായിരുന്നു. മിന്നാരത്തിലേത് പ്രത്യേകതരം മീശയായിരുന്നു അമ്പിളി ചേട്ടന്‍ വച്ചതെന്നും താരം ഓര്‍മിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha