നീതിനിഷേധം നടക്കുന്നത് പിണറായിയിലോ പുതുപള്ളിയിലോ? തന്റെ ദൃശ്യങ്ങള് പകര്ത്തിയവര്ക്കെതിരെ പരാതിപ്പെട്ട സാധു സ്ത്രീയുടെ അവസ്ഥ
മുഖ്യമന്ത്രി പിണറായി വിജയന്റെ നാട്ടില് എതിര്ശബ്ദം പോലും അടിച്ചമര്ത്തുന്ന ഫാസിസ്റ്റ് രീതിയാണുള്ളതെന്ന് ഉമ്മന്ചാണ്ടി പറഞ്ഞത് കഴിഞ്ഞ ദിവസം കണ്ണൂരില്. ഇനി ഉമ്മന്ചാണ്ടി മുഖ്യമന്ത്രിയായിരിക്കെ അദ്ദേഹത്തിന്റെ ജന്മനാടായ പുതുപള്ളിയില് നടന്ന ഒരു സംഭവം നോക്കാം.
കോട്ടയം നഗരത്തിലെ ഒരു ആശുപത്രിയില് താല്കാലിക നേഴ്സായി ജോലി ചെയ്യുന്ന യുവതിയാണ് കഥയിലെ നായിക. ഭര്ത്താവും കുഞ്ഞും ഭര്ത്താവിന്റെ പിതാവുമൊത്ത് പുതുപ്പള്ളിയിലെ മൂന്നു നില അപ്പാര്ട്ട്മെന്റുകളിലൊന്നിലാണ് യുവതി താമസം.
പുതുപ്പള്ളിയിലെ പ്രസിദ്ധ ബേക്കറിയുടമയാണ് അപ്പാര്ട്ടുമെന്റില് ഒരു നില വാടകയ്ക്കെടുത്തിരിക്കുന്നത്. അതില് താമസിക്കുന്നത് ബേക്കറിയിലെ ഒരു ഉദ്യോഗസ്ഥന്. ബേക്കറിക്ക് പുതുപ്പള്ളിയില് മാത്രമല്ല കോട്ടയം നഗരത്തിലാകെ ശൃംഖലാസ്ഥാപനങ്ങളുണ്ട്. ഉമ്മന്ചാണ്ടിയുടെ അടുപ്പക്കാരനും വിശ്വസ്തനുമാണ് ബേക്കറി ഉടമ.
ഒരു മാസത്തിന് മുമ്പൊരു ദിവസം രാത്രിയില് അന്യദേശക്കാരനായ ബേക്കറി ജോലിക്കാരനും മറ്റൊരു പുതുപ്പള്ളിക്കാരനും അപ്പാര്ട്ട്മെന്റിന്റെ ടെറസിലേക്ക് കയറുന്നതു കണ്ട് പന്തികേടു തോന്നിയ യുവതി ഭര്ത്താവിനെ വിവരം അറിയിച്ചു. തുടര്ന്ന് യുവതി കുളിക്കാന് കയറി.
കുളി കഴിയുമ്പോള് വെന്റിലേറ്ററിലൂടെ ഒരു മൊബൈല് ഫോണ് ശ്രദ്ധയില്പ്പെട്ട യുവതി സ്കൂളില് കയറി അത് പിടിച്ചെടുത്തു. അന്യദേശക്കാരനായ ബേക്കറി ഉദ്യോഗസ്ഥനും സുഹൃത്തുമാണ് ദൃശ്യങ്ങള് റെക്കോര്ഡ് ചെയ്തത്. തുടര്ന്ന് യുവതി ഭര്ത്താവുമായി പുതുപ്പള്ളി സ്റ്റേഷനിലെത്തി പരാതി നല്കി.
ബേക്കറി ഉടമയുടെ വിശ്വസ്തനായ എസ്ഐ യുവതിയെയും ഭര്ത്താവിനെയും പരിഹസിക്കുകയും മൊബൈല് ഫോണ് വാങ്ങി അതിലുണ്ടായിരുന്ന ദൃശ്യങ്ങള് കൈക്കലാക്കുകയും ചെയ്തു. തുടര്ന്ന് കോട്ടയം പോലീസ് സൂപ്രണ്ടിന് പരാതി നല്കിയ യുവതിയെ പോലീസ് സൂപ്രണ്ട് തെറി പറഞ്ഞു വിട്ടു. പട്ടാളം ഓഫീസറായിരുന്ന ഭര്ത്തൃ പിതാവിനെയും തെറിവിളിച്ചു.
ഐപിഎസുകാരനായ എസ്.പി. ഇപ്പോള് മനുഷ്യാവകാശകമ്മീഷനില് നീതി തേടിയെത്തിയിരിക്കുകയാണ് യുവതി. തന്റെ നഗ്ന ദൃശ്യങ്ങള് മറ്റാരെങ്കിലും കൈക്കലാക്കുമോ എന്ന ഭയത്തിലാണ് യുവതി.
ഉമ്മന്ചാണ്ടിയുടെ ഇടപെടല് കാരണമാണ് തങ്ങള്ക്ക് നീതി ലഭിക്കാത്തതെന്ന് യുവതിയുടെ ബന്ധുക്കള് പറയുന്നു. ഇനി പറയൂ നീതി നിഷേധം നടക്കുന്നത് പിണറായിയിലോ പുതുപ്പള്ളിയിലോ?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha