കണ്ടപ്പോള്‍ ഒന്ന് വീണ്ടും ഷെയര്‍ ചെയ്യാന്‍ തോന്നിയ പോസ്റ്റ്. സീരിയല്‍ നടിയുടെ വീട്ടില്‍ നിന്നും എസ്‌ഐയെ നാട്ടുകാര്‍ പൊക്കി. എസ്‌ഐയ്ക്ക് സസ്‌പെന്‍ഷന്‍. കഥ അവസാനിച്ചപ്പോള്‍ നാടുവിടാന്‍ വേണ്ടി പിടയുന്ന 3 സ്ത്രീകള്‍. എല്ലാം ജീവശവമായി കേള്‍ക്കേണ്ടി വന്ന ഒരച്ഛന്‍. എസ്‌ഐയ്ക്ക് സാക്ഷി പറഞ്ഞതിന്റെ പേരില്‍ ഭാര്യയെ സദാചാരന്മാര്‍ കശക്കിയെറിഞ്ഞപ്പോഴും, മകളെ സീരിയല്‍ നടിയാക്കി ചുറ്റിക്കളിയുടെ ആളാക്കിയപ്പോഴും ആ അച്ഛന്‍ വീട്ടിലുണ്ടായിരുന്നു. അച്ഛനും അമ്മയും 10ല്‍ പഠിക്കുന്ന ഇളയ മകളും ഉള്ള വീട്ടില്‍ രാത്രി 9 മണിക്ക് എന്ത് അനാശാസ്യമാ നടക്കുക. അതും തൊട്ടടുത്ത് അനേകം വീടുള്ളപ്പോള്‍. ഒരു പേരുദോഷവും ഇതുവരേയും കേള്‍പ്പിക്കാത്ത ആ കുടുംബം കാണാകണ്ണീരിലാണ്.
ആ കുടുംബിനിയുടെ വാക്കുകള്‍ ദയനീയമാണ്. 'അവര്‍ എന്റെ ഉടുപ്പു വലിച്ചുകീറി. മാറിടത്തില്‍ ശക്തിയായി പിടിച്ചുവലിച്ചു. മുഖം മാന്തിക്കീറി. അടിവയറിലും, സ്വകാര്യഭാഗങ്ങളിലും മര്‍ദ്ദിച്ചു. എന്നിട്ടും ഇതു ചോദിക്കാന്‍ ഇവിടെ പോലീസില്ല. രാഷ്ട്രീയക്കാരും അധികാരികളും തിരിഞ്ഞു നോക്കുന്നില്ല.' നിസ്സഹായയായ ഒരു വീട്ടമ്മയുടെ ദയനീയരോധനം ചെവിക്കൊള്ളാന്‍ ഇവിടെയുള്ള ഭരണസംവിധാനങ്ങള്‍ മടിക്കുന്നതെന്ത്. എല്ലാം ശരിയാകുമെന്ന് പറഞ്ഞ് സ്ത്രീസുരക്ഷ ഉറപ്പുവരുത്താനിറങ്ങിത്തിരിച്ച മുഖ്യമന്ത്രി എന്തേ ഈ വിഷയത്തില്‍ ഇടപെടാത്തത്.
ഇക്കഴിഞ്ഞ ഒന്‍പതാം തീയതി രാത്രിയില്‍ പുത്തന്‍കുരിശ് വെങ്കടയില്‍ എസ്.ഐ. സജീവ്കുമാറിനെയും അച്ഛനുമമ്മയും രണ്ടു പെണ്‍കുട്ടികളെയും മൂന്നു മണിക്കൂര്‍ ബന്ദിയാക്കി ഒരു സംഘമാളുകള്‍ തെരുവില്‍ ക്രൂരമായി മര്‍ദ്ദിച്ച സംഭവമുണ്ടായിട്ട് ഇന്ന് ഒരാഴ്ച പിന്നിടുന്നു.
സ്ത്രീത്വം തെരുവില്‍ വലിച്ചുകീറുമ്പോള്‍, അപമാനിക്കപ്പെടുമ്പോള്‍ ക്രിമിനലുകള്‍ സൃഷ്ടിക്കുന്ന അപവാദകഥകളില്‍ ഒരു കുടുംബത്തെ വെണ്ണീറാക്കുമ്പോള്‍ എന്തേ സ്ത്രീപക്ഷവാദികള്‍ക്ക് ഉള്ളുപിടയുന്നില്ല. അപവാദകഥകള്‍ കൊണ്ട് മലീമസമായ ഒരു കുടുംബത്തിലേക്ക് നടന്നുകയറാന്‍ നിങ്ങളുടെ കള്ള സദാചാരം അനുവദിക്കുന്നില്ലേ.
നാട്ടിലെ സദാചാരമുറപ്പിക്കാന്‍ ഭരണകൂടം ആരെയെങ്കിലും ഉത്തരവാദിത്വമേല്പിച്ചിട്ടുണ്ടോ? രാത്രിയുടെ മറവിലുള്ള ഈ സദാചാര ഗുണ്ടാവിളയാട്ടം അനുവദനീയമോ? ക്രിമിനലുകളെ സംരക്ഷിക്കുകയാണോ നമ്മുടെ പോലീസ്? അക്രമികള്‍ തന്നെ ആക്രമണത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിപ്പിച്ച് അപവാദകഥകള്‍ നെയ്ത് തകര്‍ത്തെറിഞ്ഞത് ഒരു സാധാരണ കുടുംബത്തെയാണ്. പത്താംക്ലാസില്‍ മാത്രം പഠിക്കുന്ന ഒരു പെണ്‍കുട്ടിയുടെയും, വിവാഹമോചനത്തിലെത്തി നില്‍ക്കുന്ന മറ്റൊരു പെണ്‍കുട്ടിയുടെയും ജീവിതവും സ്വപ്നങ്ങളുമാണ്. എന്താണ് ഈ കുടുംബം ചെയ്ത തെറ്റ്.
സദാചാരത്തിന്റെ പേരിലുള്ള ഇത്തരം ഗുണ്ടാ ആക്രമണങ്ങള്‍ നാളെ ഏതൊരു മലയാളിയുടേയും കുടുംബം തകര്‍ക്കാം.
എന്തുകൊണ്ടാണ് അപവാദ കഥകള്‍ മാത്രം പരത്തുന്ന മാധ്യമങ്ങള്‍ ഈ കുടുംബത്തിന്റെ കണ്ണീര്‍ കാണാതെ പോകുന്നത്?

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha