95 കിലോയുള്ള ജയറാമിനെ മുതുകിലിരുത്തി കമല്ഹാസന്റെ പുഷ്അപ്പ്
സിനിമാ ലോകത്ത് മമ്മൂട്ടി കഴിഞ്ഞാല് ആരോഗ്യസംരക്ഷണത്തില് കമല്ഹാസനാണ് താരം. നൃത്തവും വ്യായാമവും കമല്ഹാസന് മുടക്കാറില്ല. ചാണക്യനില് ആണ് ജയറാം ആദ്യമായി കമല്ഹാസനൊപ്പം അഭിനയിക്കുന്നത്. അന്ന് കമലാഹാസനെയും പ്രേംനസീറിനെയും അനുകരിച്ച് ജയറാം കമല്ഹാസനുമായി സൗഹൃദത്തിലായി. അന്നും പതിവായി വ്യായാമം ചെയ്യുന്ന കമല്ഹാസന് ജയറാമിനോട് പറഞ്ഞു, നല്ല ബോഡി സ്ട്രക്ചറാണല്ലോ, ഇത് ഡെവലപ്പ് ചെയ്തുകൂടേ... പക്ഷെ, ജയറാം അത് കാര്യമായി എടുത്തില്ല.
കുറേ വര്ഷങ്ങള്ക്ക് ശേഷം കമല്ഹാസന് ജയറാമിനെ തെന്നാലിയില് അഭിനയിക്കാന് വിളിച്ചു. ആ ദിവസങ്ങളില് ആറ് മണിവരെ മാത്രമേ കമല്ഹാസന് അഭിനയിക്കുമായിരുന്നുള്ളൂ. നേരെ ജിമ്മിലേക്ക് പോകും. കൂടെ ജയറാമും. ഒരു ദിവസം പുഷ് അപ്പ് എടുക്കുന്നതിനിടയില് കമല്ഹാസന് ജയറാമിനോട് പറഞ്ഞു മുതുകത്ത് കയറിയിരിക്കാന്. 95 കിലോയുണ്ടായിരുന്ന ജയറാമിനെയും വെച്ച് കമല് കൂളായി പുഷ് അപ്പ് എടുത്തു. അഭിനയത്തിന് വേണ്ടി കമലാഹാസന് കഷ്ടപ്പെടുന്നത് കണ്ടപ്പോള് ജയറാമിന് ബോധോധയം ഉണ്ടായി. എന്തുകൊണ്ട് തനിക്കും ആയിക്കൂടാ ഇതൊക്കെ.
അന്ന് മുതല് ജയറാം വ്യായാമം ചെയ്യാന് തുടങ്ങി. ഇടയ്ക്ക് ചിലപ്പോള് മടിപിടിക്കും. അത് ഒഴിവാക്കാന് ഇന്സ്ട്രക്ടറെ വയ്ക്കാന് മമ്മൂട്ടി പറഞ്ഞു. അങ്ങനെ ഒരാളെ നിയമിച്ചു. ഇപ്പോള് അയാളുടെ മേല്നോട്ടത്തിലാണ് എക്സര് സൈസ്. മകന് കാളിദാസും നല്ലപോലെ വര്ക്കൗട്ട് ചെയ്യും. 90 കിലോയുണ്ടായിരുന്ന കാളിദാസ് സിനിമയില് അഭിനയിക്കാന് വേണ്ടി അറുപത് കിലോയാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
