കല്യാണകുരുക്ക്, കേരള കോണ്ഗ്രസിന്റെ മനസ് നൊമ്പരകടല്
കേരള കോണ്ഗ്രസ് എമ്മില് അമര്ഷം പുകയുന്നു. ബാര് ഉടമ ബിജുരമേശിന്റെയും മുന് മന്ത്രി അടൂര് പ്രകാശിന്റെയും മക്കള് തമ്മിലുള്ള വിവാഹനിശ്ചയത്തിന് ഉമ്മന്ചാണ്ടിയും രമേശ് ചെന്നിത്തലയും ഉള്പ്പെടെയുള്ള കോണ്ഗ്രസ് നേതാക്കള് പോയതിനെതിരെയാണ് കേരള കോണ്ഗ്രസ് എമ്മില് പൊതു വികാരം രൂപം കൊണ്ടിരിക്കുന്നത്.
പാര്ട്ടി ചെയര്മാന് കെ എം മാണിയും ജനറല് സെക്രട്ടറി ജോസ് കെ മാണിയും പരസ്യ പ്രതികരണത്തിന് മുതിര്ന്നിട്ടില്ലെങ്കിലും സംഭവം മാണിയുടെ മനസിനെ വല്ലാതെ മഥിപ്പിച്ചിട്ടുണ്ടെന്നാണ് റിപ്പോര്ട്ടുകള് കെ എം മാണി തന്റെ മാന്യതയ്ക്ക് അനുസൃതമായി പരസ്യ പ്രകടനങ്ങള് നടത്താറില്ല, എന്നാല് തന്നെ കള്ളകേസില് കുരുക്കിയ ഒരാളുടെ വിവാഹ നിശ്ചയത്തിന് കോണ്ഗ്രസിന്റെ സമുന്നത നേതാക്കള് ചെന്നത് അദ്ദേഹത്തെ വ്യക്തിപരമായി വേദനിപ്പിക്കുന്നുണ്ട്.
ഇത്തരം ചടങ്ങുകള്ക്ക് പോകുന്നതിനു മുമ്പ് അതിഥികളായി ചെല്ലുന്നവര് ചെല്ലുന്ന സ്ഥലത്തിന്റെ മാന്യത മനസ്സിലാക്കണമെന്നാണ് മാണിയുടെ മനസിലുള്ളത്. ഇക്കാര്യം തുറന്നു പറഞ്ഞ വിഎം സുധീരനെ പരസ്യമായി മാണി അംഗീകരിക്കുന്നു. തന്റെ മനോവ്യഥ സുധീരന് മനസിലാക്കിയതില് മാണിക്ക് സന്തോഷമുണ്ട്.
മാണിയുടെ വിഷമം മനസിലാക്കിയിട്ടും ഇതു സംബന്ധിച്ച് ഉമ്മന്ചാണ്ടി ഒന്നും സംസാരിക്കാത്തതും കേരള കോണ്ഗ്രസ് എമ്മിന്റെ അമര്ഷത്തിനു കാരണമായിട്ടുണ്ട്. അതേസമയം തനിക്ക് മറ്റൊരു മാര്ഗ്ഗവുമില്ലാത്തതു കൊണ്ടാണ് വിവാഹ നിശ്ചയത്തിനു പോകേണ്ടി വന്നതെന്ന് ചെന്നിത്തല മാണിയെ അറിയിച്ചതായാണ് സൂചന. തന്റെ മനസ് ഇക്കാര്യത്തില് സുധീരനൊപ്പമാണെന്നും ചെന്നിത്തല പറഞ്ഞതായി അറിയുന്നു.
കേരള കോണ്ഗ്രസ് വക്താവ് ജോസഫ് എം പുതുശ്ശേരിയും യൂത്ത് ഫ്രണ്ട് നേതാവ് സജി മഞ്ഞക്കടമ്പനും കോണ്ഗ്രസ് നേതാക്കള്ക്കെതിരെ രംഗത്തെത്തിയിരുന്നു. കോണ്ഗ്രസ് നേതാക്കള് ഔചിത്യം കാണിക്കണമായിരുന്നെന്ന് ഇരുനേതാക്കളും പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha