വിഎസ് ശിവകുമാറിന് ഉടന് വിജിലന്സ് വിലക്ക്
മുന് ദേവസ്വം മന്ത്രി വിഎസ് ശിവകുമാറിനെതിരെ വിജിലന്സ് അന്വേഷണം പ്രഖ്യാപിക്കും. 2015-16 കാലയളവില് ദേവസ്വം എസ്പിയായിരുന്ന വി ഗോപാലകൃഷ്ണന് ഐപിഎസ് നല്കിയ 200 അന്വേഷണറിപ്പോര്ട്ടുകളാണ് ദേവസ്വം ബോര്ഡ് സെക്രട്ടറിയായിരുന്ന വിഎസ് ജയകുമാര് മുക്കിയത്. വിഎസ് ശിവകുമാറിന്റെ സഹോദരനാണ് ജയകുമാര്. ശിവകുമാറിന്റെ സഹോദരനും ശിവകുമാറും ചേര്ന്നു കോടികള് വെട്ടിച്ചെന്നാണ് സൂചന. ബോര്ഡിലെ അഴിമതികള് പുറത്തറിയാതിരിക്കാന് കഴിഞ്ഞ ദിവസം എസ്പി ഗോപാലകൃഷ്ണനെ തത്സ്ഥാനത്ത് നിന്നും നീക്കിയിരുന്നു. വിരമിച്ച ഡിവൈഎസ്പിയെ വിജിലന്സ് വിഭാഗം തലവനാക്കാനാണ് ബോര്ഡിന്റെ നീക്കം.
എന്നാല് ഗോപാലകൃഷ്ണന് , താന് തയ്യാറാക്കിയ 200 റിപ്പോര്ട്ടുകളുടെയും പകര്പ്പുകള് ദേവസ്വം മന്ത്രിക്കും വിജിലന്സ് ഡയറക്ടര്ക്കും സംസ്ഥാന പോലീസ് മേധാവിക്കും കൈമാറിയെന്നാണ് സൂചന. ശബരിമല മാസ്റ്റര് പ്ലാന് ഉള്പ്പെടെയുള്ള പദ്ധതികളില് കോടികളുടെ അഴിമതിയാണ് നടക്കുന്നത്. ബോര്ഡിലെ കമ്പ്യൂട്ടറൈസേഷന്റെ മറവിലും കോടികള് വെട്ടിക്കുന്നു. 2015 ല് ബോര്ഡില് നടന്നത് ബ്രദര്ഹുഡ് ആക്ഷന് ആണെന്നാണ് ഹൈക്കോടതി പറഞ്ഞത്. അതായത് മന്ത്രിയും ബോര്ഡ് സെക്രട്ടറിയായ സഹോദരനും തമ്മിലുള്ള ഒത്തുകളി. ബോര്ഡ് ആസ്ഥാനത്തെ പലരും കോടികളുടെ സ്വത്ത് സമ്പാദിച്ചതായി സംസ്ഥാന വിജിലന്സ് വിഭാഗത്തിന് വിവരം ലഭിച്ചിട്ടുണ്ട്.
തിരുവനന്തപുരം ഇടപ്പഴഞ്ഞിയിലുള്ള എസ് കെ ആശുപത്രി എന്ന സ്വകാര്യ ആശുപത്രി അന്നത്തെ ദേവസ്വം മന്ത്രി ശിവകുമാര് വിലയ്ക്കു വാങ്ങിയിരുന്നു . ഇത് ദേവസ്വം ബോര്ഡില് നിന്നുള്ള പണം ഉപയോഗിച്ച് വാങ്ങിയതാണെന്ന വിവരം സംസ്ഥാന വിജിലന്സ് രഹസ്യമായി അന്വേഷിക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
