ദൃശ്യം എന്ന സിനിമയുടെ കഥ പൂര്‍ത്തിയായ കാലത്ത് ശ്രീനിവാസനായിരുന്നു നായകന്‍ . അന്ന് പേരിട്ടിട്ടില്ലായിരുന്നു. ജിത്തു ജോസഫ് തന്റെ അസിസ്റ്റന്റായിരുന്ന പ്രജിത്തിന് വേണ്ടി എഴുതിയതായിരുന്നു കഥ. രജപുത്ര രഞ്ജിത്താണ് ചിത്രം നിര്‍മിക്കാനിരുന്നത്. ചിത്രത്തിന്റെ അവസാനം പൊലീസ് സ്റ്റേഷനുള്ളില്‍ മൃതദേഹം കുഴിച്ചിടുന്നത് ശ്രീനിവാസന്റെ ഐഡിയയായിരുന്നു. രഞ്ജിത്ത് സംവിധാനം ചെയ്ത ബ്ലാക്ക്‌ ബട്ടര്‍ഫ്‌ളൈയുടെ അസോസിയേറ്റായിരുന്നു പ്രജിത്ത്. എന്നാല്‍ കഥ കേട്ട രജപുത്ര രഞ്ജിത്ത് മമ്മൂട്ടിയോ, മോഹന്‍ലാലോ ചിത്രം ചെയ്യണമെന്ന് പറഞ്ഞു. എന്നാല്‍ രണ്ടാം പകുതിയില്‍ മോഹന്‍ലാലിനെ ഷാജോണിന്റെ കഥാപാത്രം അടിച്ചിടുന്ന സീനുകള്‍ ഉള്ളതിനാല്‍ സൂപ്പര്‍ താരങ്ങളെ അഭിനയിപ്പിക്കാന്‍ പറ്റില്ലെന്ന് ജിത്തു പറഞ്ഞു. അങ്ങനെ പകുതിക്ക് വെച്ച് സിനിമ മുടങ്ങി.

കുറേ നാളുകള്‍ക്ക് ശേഷം ജിത്തു ജോസഫ് മമ്മൂട്ടിയോട് കഥ പറഞ്ഞെങ്കിലും പളുങ്ക് എന്ന സിനിമയുമായി സാമ്യമുണ്ടെന്ന് പറഞ്ഞ് അദ്ദേഹം ഒഴിഞ്ഞുമാറി. പിന്നീട് ആന്റണി പെരുമ്പാവൂര്‍ ഈ കഥയെക്കുറിച്ച് അറിഞ്ഞ് ജിത്തുവിനെ വിളിച്ചു. പക്ഷെ, രജപുത്ര രഞ്ജിത്തിന് വേണ്ടി ചെയ്യാനിരിക്കുന്ന സിനിമയാണിതെന്ന് പറഞ്ഞു. അതോടെ ആന്റണി രഞ്ജിത്തിനെ വിളിച്ചു. കാര്യം പറഞ്ഞ ശേഷം ഫോണ്‍ മോഹന്‍ലാലിന് കൊടുത്തു. മോനെ ഞാനത് ചെയ്‌തോട്ടെ എന്ന് ലാല്‍ ചോദിച്ചു. രഞ്ജിത്ത് സ്‌നേഹപൂര്‍വം സമ്മതിച്ചു. അങ്ങനെ ആന്റണി ദൃശ്യത്തിന്റെ നിര്‍മാണം ഏറ്റെടുത്തു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha