ടെന്‍ഷനും സ്ട്രെസും കുറയ്ക്കാം... ചില കാര്യങ്ങളിൽ ശ്രദ്ധ നൽകിയാൽ, ചില മാറ്റങ്ങൾ അനിവാര്യമാണെന്ന് നമ്മൾ തന്നെ ചിന്തിച്ചാൽ അകറ്റാവുന്നതേയുള്ളു ഈ ടെൻഷനും സ്ട്രെസുമെല്ലാം .. ഈ മാർഗ്ഗങ്ങൾ പരീക്ഷിച്ചുനോക്കൂ
ഇന്ന് ആളുകൾ നേരിടുന്ന ഏറ്റവും വലിയ പ്രശ്നമാണ് സ്ട്രെസ്.കൊച്ചു കുട്ടികൾക്ക് വരെ ഇപ്പോൾ ടെൻഷനും സ്ട്രെസും ആണ് .. ജോലിയിലും ജീവിത സാഹചര്യങ്ങളിലും ഒക്കെ വന്ന മാറ്റങ്ങളാണ് ഇതിന് പ്രധാന കാരണം. എന്നാൽ ചില കാര്യങ്ങളിൽ ശ്രദ്ധ നൽകിയാൽ, ചില മാറ്റങ്ങൾ അനിവാര്യമാണെന്ന് നമ്മൾ തന്നെ ചിന്തിച്ചാൽ അകറ്റാവുന്നതേയുള്ളു ഈ ടെൻഷനെയും സ്ട്രെസിനെയുമെല്ലാം
സ്വയം വിശകലനം ചെയ്യുക എന്നതാണ് ആദ്യത്തെ മാർഗ്ഗം ..പോസറ്റീവായ പ്രതികരണങ്ങളിലൂടെ ടെന്‍ഷനെ അതിജീവിക്കാന്‍ കഴിയും. എന്താണ് ടെന്‍ഷന്റെ കാരണമെന്ന് സ്വയം വിശകലനം ചെയ്യുക. ടെന്‍ഷന്റെ മൂലകാരണം എന്താണെന്ന തിരിച്ചറിവുതന്നെ പലപ്പോഴും സമ്മര്‍ദം കുറയ്ക്കും. ഏതെങ്കിലും തരത്തില്‍ പരിഹരിക്കാവുന്നതാണെങ്കില്‍ അതിനുശ്രമിക്കുകയും ചെയ്യുന്നതോടെ ടെന്ഷന് ഒഴിവാക്കാം
പരിഹാരം എളുപ്പമല്ലാത്ത കാര്യമാണെന്നു തോന്നിയാല്‍ ഏറ്റവും വിശ്വസ്തതയുള്ള സുഹൃത്തുമായി പ്രശ്‌നം പങ്കിടുക. തുറന്നുപറയാനുള്ള മനസ്സും സ്വയം വിശകലനംചെയ്യാന്‍ തയ്യാറുമുള്ളവര്‍ക്ക് എളുപ്പം ടെന്ഷന് അതിജീവിക്കാനാകും.
ജോലിയിടങ്ങളാണ് ആളുകളുടെ 90 ശതമാനം മാനസിക സമ്മർദ്ദങ്ങൾക്കും കാരണം. സ്ട്രെസ് പലപ്പോഴും ഹൈപ്പര്‍ടെന്‍ഷനു വഴിയൊരുക്കും. ഹൃദയമിടിപ്പു കൂട്ടും. ടെന്‍ഷനും സ്ട്രെസും വരുമ്പോള്‍ ഹൃദയമിടിപ്പു കൂടുന്നത് നല്ല ലക്ഷണണല്ല. നിങ്ങള്‍ ഹൈപ്പര്‍ ടെന്ഷന് എന്ന അവസ്ഥയിലാണെന്ന് ഇത് വ്യക്തമാക്കുന്നു.ടെന്‍ഷനും സ്ട്രെസും വരുമ്പോള്‍ തലവേദന അനുഭവപ്പെടുന്ന ധാരാളം പേരുണ്ട്. സ്ട്രെസ് രക്ത ധമനികളില്‍ മര്‍ദമേല്‍പ്പിക്കുന്നതാണ് തലവേദനയ്ക്കു കാരണം. ഓർമക്കുറവ്, മൂക്കിൽ നിന്ന് രക്തം വരുന്നത് എന്ന് വേണ്ട കഷണ്ടിയ്ക്ക് വരെ സ്ട്രെസ് കാരണമാകാറുണ്ട് . സ്ട്രെസ് പരമാവധി കുറയ്ക്കുക എന്ന് മാത്രമാണ് ഇതിനുള്ള പരിഹാരം
ജോലി ചെയ്യുന്നതിനിടയിൽ ഇടക്കിടെ ദീർഘനിശ്വാസങ്ങൾ എടുക്കുന്നത് മനസ് ശാന്തമാകാൻ സഹായിക്കും. ദീര്‍ഘശ്വാസമെടുക്കുമ്പോള്‍ കൂടുതല്‍ ഓക്‌സിജന്‍ ഉള്ളിലെത്തുകയും അത് ശരീരകോശങ്ങള്‍ക്ക് ചെറിയതോതില്‍ ആശ്വാസം നല്‍കുകയും ചെയ്യും
ശ്വസനവ്യായാമങ്ങളും പ്രാണായാമാവും പരിശീലിക്കുന്നത് ടെൻഷനും സ്ട്രെസും കുറയ്ക്കാൻ സഹായകകരമാണ് ..ജോലി സ്ഥലത്തോ വീട്ടിലോ അല്ലെങ്കിൽ മറ്റെവിടെ ആണെങ്കിലും സ്ട്രെസ് വല്ലാതെ അനുഭവപ്പെട്ടാൽ ശാന്തമായി ഒരിടത്ത് സ്വസ്ഥമായി നിവര്‍ന്നിരിക്കുക. വായതുറന്ന് ശ്വാസം പൂര്‍ണമായി ഊതി പുറത്തുകളയണം ..ഏതാനും സെക്കന്റ് നേരത്തേയ്ക്ക് ശ്വാസം ഉള്ളിലേയ്‌ക്കെടുത്ത് നിറയ്ക്കുക.
ഉള്ളില്‍ ശ്വാസംനിറഞ്ഞുകഴിഞ്ഞാല്‍ വായ തുറന്ന് സാവധാനം ശ്വാസം പുറത്തേയ്ക്ക് ഊതിവിടുക. എത്ര സെക്കന്റ് നേരം കൊണ്ടാണോ ശ്വാസം എടുത്തത് അതിന്റെ ഇരട്ടിനേരംകൊണ്ടുവേണം ശ്വാസം പുറത്തേയ്ക്കുവിടുന്നത്. എട്ടോ പത്തോ തവണ ഇങ്ങനെ ശ്വാസോച്ഛ്വാസം ചെയ്യുന്നത് സ്ട്രെസ് കുറയ്ക്കും
ടെന്ഷന് ഒഴിവാക്കാനുള്ള ഏറ്റവും നല്ല ഉപായമാണ് സംഗീതം. ടെന്‍ഷനകറ്റാന്‍ പ്രത്യേകം ചിട്ടപ്പെടുത്തിയ സംഗീതകൃതികള്‍ ഇപ്പോള്‍ ലഭ്യമാണ്. പാട്ടുകേള്‍ക്കുന്നതിനേക്കാള്‍ ആശ്വാസദായകമാണ് അല്‍പം ഉറക്കെ പാട്ടുപാടുന്നതും ...
ജീവിതത്തിലെ ഒറ്റപ്പെടലിന്റെയും വാര്‍ധക്യത്തിന്റെയുമൊക്കെ ടെന്‍ഷനുകള്‍ അനുഭവിക്കുന്നവര്‍ പലപ്പോഴും ഭക്തിമാര്‍ഗത്തിലേയ്ക്കു തിരിയുന്നതിന് ഒരു കാരണം അതിലൂടെ കിട്ടുന്ന ആശ്വാസമാണ്. ഭക്തിയെയും വിശ്വാസത്തെയും സാമാന്യബുദ്ധിയോടെയും വിവേചനബോധത്തോടെയും കൈക്കൊളളുന്നത് ടെന്ഷന് ആശ്വാസമേകും എന്നതിൽ സംശയമില്ല
https://www.facebook.com/Malayalivartha
