കൊറോണ വൈറസ് രോഗം നമുക്കിടയിലേക്ക് ഇറങ്ങി വന്നിട്ട് ഒരു വർഷം തികഞ്ഞു . ഒരു വർഷം മുൻപ് നവംബർ 17നാണ് കൊറോണ വൈറസ് രോഗം ലോകത്ത് ആദ്യമായി റിപ്പോർട്ട് ചെയ്യുന്നത്. ഈ നൂറ്റാണ്ടിൽ ലോകം കണ്ട ഏറ്റവും വലിയ മഹാമാരി എന്ന് വിശേഷിപ്പിക്കാൻ കഴിയുന്ന കൊവിഡ് രോഗം ഇതുവരേക്കും ഒരു മില്യണിലധികം ആളുകളുടെ ജീവൻ അപഹരിച്ചെടുത്തു

വൈറസിനെ പ്രതിരോധിക്കുന്നതിനുള്ള വാക്സിൻ വികസിപ്പിച്ചെടുക്കുന്നതിന് പിന്നാലെയാണ് ലോകം മുഴുവൻ. ഇത്തരം ഗവേഷണങ്ങൾ വളരെ ഗൗരവമായാണ് എല്ലാവരും വിലയിരുത്തുന്നത് .എന്നാൽ എല്ലാവരെയും അത്ഭുതപ്പെടുത്താൻ സാധ്യതയുള്ള ഒരു വാർത്തയാണ് ഇപ്പോൾ പുറത്തുവന്നിരിക്കുന്നത് .

കോവിഡിന് കാരണമായ കൊറോണ വൈറസിനെതിരേ ഫലപ്രദമായ അണുനാശിനിയാണ് മൗത്ത് വാഷെന്നാണ് കണ്ടെത്തല്‍. കാര്‍ഡിഫ് സര്‍വ്വകലാശാല ലാബില്‍ നടത്തിയ പരീക്ഷണത്തിലാണ് മൗത്ത വാഷ് 30 സെക്കന്റിനുള്ളില്‍ കൊറോണ വൈറസിനെ കൊല്ലുമെന്ന് കണ്ടെത്തിയിട്ടുള്ളത്......
മൗത്ത് വാഷിന് കൊറോണ വൈറസിനെ നശിപ്പിക്കാന്‍ ശേഷിയുണ്ടെന്ന് കണ്ടെത്തിയ മുന്‍ പഠനത്തെ ബലപ്പെടുത്തുന്നതാണ് പുതിയ പഠനം.

വെയിൽസ് യൂണിവേഴ്സിറ്റി ഹോസ്പിറ്റലിൽ ഈയടുത്ത ദിനങ്ങളിലായി നടന്ന പുതിയ ശാസ്ത്രീയ പഠനമാണ് ഇക്കാര്യം സൂചിപ്പിക്കുന്നത്. നാം സാധാരണ ഉപയോഗിക്കുന്ന മൗത്ത് വാഷിന് കൊറോണവൈറസിനെ കൊല്ലാനുള്ള ശേഷി ഉണ്ടെന്നാണ് ഈ ഗവേഷണ സംഘം ചൂണ്ടികാണിക്കുന്നത്. ലാബിൽ നടത്തിയ പരീക്ഷണങ്ങൾ പ്രകാരം 30 സെക്കൻഡ് നേരത്തെ മൗത്ത് വാഷ് ഉപയോഗം രോഗത്തിന് കാരണമാകുന്ന വൈറസുകളെ ഫലപ്രദമായി കൊല്ലാൻ കഴിയുമെന്ന് പറയപ്പെടുന്നു

ഇതിനുപുറമേ കാർഡിഫ് സർവകലാശാലയിലെ ശാസ്ത്രജ്ഞരും ഈയൊരു കാര്യത്തെ പിന്താങ്ങുന്നു. കാരണം വൈറസിനെ നശിപ്പിക്കാനായി ഓവർ ദ കൗണ്ടർ മൗത്ത് വാഷുകൾ സഹായിക്കുമെന്നതിൻ്റെ സൂചനകൾ ഇവർ മുൻപേ തന്നെ പുറത്തുവിട്ടിട്ടുണ്ട്. മൗത്ത് വാഷുകളിൽ കുറഞ്ഞത് 0.07% സെറ്റിപിരിഡിനിയം ക്ലോറൈഡ് (CPC) അടങ്ങിയിരിക്കുന്നു. ഈ ഘടകത്തിൻ്റെ സാന്നിധ്യമാണ് വൈറസിനെ ഉന്മൂലനം ചെയ്യാനുള്ള പ്രധാന കാരണമെന്ന് സർവകലാശാല റിപ്പോർട്ടിൽ പറയുന്നു.

30 സെക്കന്‍ഡ് നേരം സെറ്റില്‍പിരിഡിനിയം ക്ലോറൈഡ് ഉപയോഗിച്ചും എത്തനോള്‍ / എഥൈല്‍ ലോറോയില്‍ അര്‍ജിനേറ്റ് അടങ്ങിയ മൗത്ത്‌ വാഷ് ഉപയോഗിച്ചും നടത്തിയ കഴുകലിനു ശേഷം വൈറസ് പൂര്‍ണ്ണമായും തുടച്ചുനീക്കപ്പെട്ടു എന്നാണ് പഠനം നടത്തിയവർ പറയുന്നത്....... അതേസമയം പഠന റിപ്പോര്‍ട്ട് ഇതുവരെ മറ്റ് ഗവേഷകര്‍ അവലോകനം ചെയ്ത് അംഗീകരിച്ചിട്ടില്ല.......

മൗത്ത് വാഷിൻ്റെ ഉപയോഗം ഉമിനീരിലെ വൈറസിനെ കൊല്ലാൻ സഹായിക്കുമെന്ന് ഗവേഷണങ്ങൾ സൂചിപ്പിക്കുമ്പോൾ പോലും കൊറോണവൈറസിനുള്ള പ്രാഥമിക ചികിത്സയായി ഇത് ഉപയോഗിക്കാൻ കഴിയുമെന്നതിന് തെളിവുകളില്ല. കാരണം രോഗം പ്രധാനമായും മൂർച്ഛിക്കുന്നത് വൈറസുകൾ ശ്വാസകോശത്തിൽ എത്തിച്ചേരുന്ന ഘട്ടത്തിലാണ്. വൈറസ് ശ്വാസകോശത്തെ ബാധിച്ചു കഴിഞ്ഞ ശേഷമാണെങ്കിൽ ഇത്തരം മൗത്ത് വാഷുകൾ ഉപയോഗിച്ചുകൊണ്ടുള്ള ചികിത്സ സാധ്യമാകുമോ എന്നുറപ്പില്ല. മറിച്ച് വൈറസ് ഉമിനീരിൽ ഉള്ളപ്പോഴോ അല്ലെങ്കിൽ വായിൽ എത്തുമ്പോഴോ മാത്രമേ ഇതുപയോഗിച്ചുള്ള പ്രതിവിധി ഫലം കാണുകയുള്ളൂ എന്നു പറയുന്നവരും ഉണ്ട്

മൗത്ത് വാഷ് ഉപയോഗം വായിലെ ഉമിനീരില്‍ കൊറോണ വൈറസിന്റെ നിരക്ക് കുറക്കുമോ എന്ന് മനസ്സിലാക്കാന്‍ ക്ലിനിക്കല്‍ ട്രയല്‍ നടത്താനാണ് അടുത്ത ഘട്ടത്തില്‍ ഗവേഷകര്‍ ആലോചിക്കുന്നത്. ക്ലിനിക്കല്‍ ട്രയലിന്റെ ഫലങ്ങള്‍ അടുത്ത വര്‍ഷം ആദ്യം വരുമെന്നാണ് പ്രതീക്ഷിക്കുന്നതെന്നും ഗവേഷകർ വ്യക്തമാക്കുന്നുണ്ട്