കൊവിഡിനൊപ്പം മറ്റൊരു പകര്ച്ചവ്യാധി കൂടി...തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലുള്ള ഏഴ് പേർക്ക് ബ്ലാക്ക് ഫംഗസ് ..ആശങ്ക കനക്കുന്നു!
കൊവിഡിനൊപ്പം മറ്റൊരു പകര്ച്ചവ്യാധി കൂടി രാജ്യത്ത് കണ്ടെത്തിയതോടെ കടുത്ത ആശങ്കയിലാണ് ആരോഗ്യ മേഖല. കേരളമുള്പ്പെടെ രാജ്യത്തെ 16 സംസ്ഥാനങ്ങളില് ഇതുവരെ ബ്ലാക് ഫംഗസ് ബാധ സ്ഥിരീകരിച്ചു. കൊവിഡിന് ശേഷമുള്ള ബ്ലാക് ഫംഗസ് രോഗം വര്ധിച്ചു വരുന്നതായിട്ടാണ് ആരോഗ്യ വിദഗ്ധര് പറയുന്നത്. ഐയിംസ് ഡയറക്ടര് രണ്ദീപ് ഗുലേരിയയും ഇക്കാര്യം വ്യക്തമാക്കിയിട്ടുണ്ട്.
ഫംഗല് ബാധയ്ക്ക് സാധ്യത ഐസിയുവിലെ രോഗികളിലും ഐസിയുവിലെ അന്തരീക്ഷത്തിലുമാണ്. അതുകൊണ്ട് തന്നെ എല്ലാ ഐസിയുകളിലും ഫംഗല് ബാധ ഉണ്ടോയെന്ന് ഉടന് തന്നെ പരിശോധന നടത്തണമെന്ന് ആരോഗ്യ വകുപ്പ് നിര്ദേശിക്കുന്നു .....
കോവിഡ് രോഗികളെ ഡിസ്ച്ചാര്ജ് ചെയ്യുമ്പോള് ഫംഗല് ബാധ ഉണ്ടാകാന് ഉള്ള സാധ്യതയെക്കുറിച്ച് ബോധവത്ക്കരിക്കണം. ...... ഗുരുതര പ്രമേഹ രോഗികളിലാണ് കൂടുതലായി ഫംഗല് ബാധ കണ്ടുവരുന്നത്. അവര്ക്ക് പ്രത്യേക ജാഗ്രതാ നിര്ദേശം നല്കണം....... ഫംഗല് ബാധ തടയാന് മാസ്ക് മാസ്ക് ഉപയോഗം കൃത്യമായി പാലിക്കണമെന്നും ആരോഗ്യവകുപ്പിന്റെ നിര്ദേശത്തില് പറയുന്നു.......
മുഖം , മൂക്ക്, കണ്ണ്,തലച്ചോര് എന്നിവയെയാണ് രോഗം ബാധിക്കുന്നത്. ബ്ലാക്ക് ഫംഗസ് ബാധ കാഴ്ച്ച നഷ്ടപ്പെടാന് പോലും കാരണമാകുമെന്നും ബ്ലാക് ഫംഗസ് ശ്വാസകോശത്തിലേക്കും വ്യാപിക്കുമെന്നും എയിംസ് ഡയറക്ടര് അറിയിച്ചു. കൊവിഡ് മുക്തരായ പ്രമേഹരോഗികളില് ഹൈപ്പര് ഗ്ളൈസീമിയ നിയന്ത്രിക്കണമെന്നും, രക്തത്തിലെ ഗ്ലൂക്കോസിന്റ അളവ് നിയന്ത്രിക്കണമെന്നും കൊവിഡ് ദൗത്യ സംഘത്തിലെ വിദഗ്ദ്ധര് മുന്നറിയിപ്പ് നല്കുന്നുണ്ട്.
മ്യൂക്കോര്മൈക്കോസിസ് അഥവാ ബ്ലാക്ക് ഫംഗസ് പ്രധാനമായും ആരോഗ്യ പ്രശ്നങ്ങളുള്ളവരെ ബാധിക്കുന്ന ഒരു ഫംഗല് ഇന്ഫെക്ഷനാണ്. വായുവിലുള്ള മ്യൂക്കോമൈസെറ്റിസ് എന്ന ഫംഗസ് ആണ് രോഗബാധയുണ്ടാക്കുന്നത്. വായു, മണ്ണ്, ഭക്ഷണം എന്നിവയിലൊക്കെ ഈ ഫംഗസ് ഉണ്ടാകാം. എന്നാൽ പൊതുവേ ഇത് മാരകമായ ഒന്നല്ല. കോവിഡ് ബാധിതർ, പ്രമേഹ രോഗികൾ, രോഗപ്രതിരോധ ശേഷി കുറഞ്ഞവർ തുടങ്ങിയവരിൽ ഫംഗസ് ബാധയ്ക്ക് സാധ്യത കൂടുതലുണ്ട്. ഈ രോഗം ബാധിക്കുന്നതോടെ രോഗങ്ങളുണ്ടാക്കുന്ന അണുക്കളെ പ്രതിരോധിക്കാനുള്ള ശേഷി കുറയുന്നു.
ഒന്നിലധികം രോഗങ്ങളുള്ളവര്, അവയവമാറ്റ ശസ്ത്രക്രിയയ്ക്ക് വിധേയമായവര്, കാന്സര് ബാധിതര് എന്നിവരെ രോഗം ബാധിക്കാം. വൊറികോണസോള് തെറാപ്പിക്ക് വിധേയമായവര്, ഡയബെറ്റിസ് മെലിറ്റസ് രോഗികള് ( ശരീരത്തില് ഇന്സുലിന് ശരിയായി പ്രവര്ത്തിക്കാന് പറ്റാത്ത അവസ്ഥ), സ്റ്റിറോയ്ഡ് ഉപയോഗിക്കുന്നവര്, ഐസിയുവില് ദീര്ഘനാള് കഴിഞ്ഞവര് എന്നിവരേയും രോഗം ബാധിക്കുന്നു.
കണ്ണ്, മൂക്ക് എന്നിവയ്ക്ക് ചുറ്റും അനുഭവപ്പെടുന്ന വേദന, ചുവപ്പ് നിറം ,പനി,തലവേദന,ചുമ,ശ്വാസതടസം, ഛർദിയിൽ രക്തത്തിന്റെ അംശം.മാനസിക പ്രശ്നങ്ങൾ എന്നിവയാണ് രോഗ ലക്ഷണങ്ങൾ
ആന്റി ഫംഗൽ മരുന്നുകൾ ഉപയോഗിച്ച് ബ്ലാക്ക് ഫംഗസ് ബാധ ചികിത്സിച്ച് ഭേദപ്പെടുത്താൻ സാധിക്കും. സംസ്ഥാനത്തെ ചികിത്സാ പ്രോട്ടോക്കോളിൽ ഇത് ഉൾപ്പെടുത്തിയിട്ടുണ്ട്.
തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലുള്ള ഏഴ് പേരിൽ ബ്ലാക്ക് ഫംഗസ് കണ്ടെത്തിയിരുന്നു...
https://www.facebook.com/Malayalivartha
