അയ്യേ... ഇയാളിതെന്തൊക്കയാ കാണിക്കുന്നത് എന്ന് മുഖം തിരിക്കുന്ന പങ്കാളികള്‍ വളരെയധികമുണ്ട്. ഈയൊരു മരവിപ്പ് പലപ്പോഴും കിടപ്പറയിലെ അഭിപ്രായ വ്യത്യാസത്തിനും അതൊരു കലഹത്തിന് തന്നെയും വഴിവയ്ക്കും. പരസ്പരം അഡ്ജസ്റ്റ് ചെയ്ത് പറ്റുമെങ്കില്‍ ചെയ്തു കൊടുക്കുക എന്നതാണ് ജീവിതത്തിലെ വലിയ വിജയം. എന്നു വച്ച് ഒരിക്കലും കീഴ്‌പ്പെടുത്തരുത്. അത് മൃഗീയമാകും.

ദാമ്പത്യജീവിതത്തില്‍ സെക്‌സ് ഒരിക്കലും പരീക്ഷണങ്ങളാവരുത്. സെക്‌സില്‍ മടുപ്പ് തോന്നാതിരിക്കാന്‍ പരീക്ഷണങ്ങള്‍ നല്ലതാണ്. എന്നാല്‍ പങ്കാളിക്കുകൂടി താല്‍പര്യമുള്ള രീതികള്‍ സ്വീകരിക്കണമെന്നുമാത്രം. ചില പുരുഷന്മാര്‍ വിവാഹം കഴിഞ്ഞ ആദ്യ നാളുകളില്‍ തന്നെ തന്റെ കഴിവ് തെളിയിക്കണമെന്ന ചിന്തയിലായിരിക്കും പങ്കാളിയെ സമീപിക്കുക.

മറ്റു ചിലര്‍ വിവാഹം കഴിഞ്ഞ ഉടന്‍തന്നെ താന്‍ കണ്ടും കേട്ടും പരിചയമുള്ള വിചിത്രമായ ലൈംഗിക രീതികള്‍ സ്വീകരിക്കാന്‍ മുതിരും. എന്നാല്‍ ഇതൊന്നും പങ്കാളിക്ക് ഇഷ്ടപ്പെടണമെന്നില്ല. അതിന് ചില കാരണങ്ങളും ഉണ്ട്. അവര്‍ വളര്‍ന്നു വന്ന ചുറ്റുപാടുകളും മറ്റൊരു ഭവനത്തില്‍ വന്നതിന്റെ പരിഭ്രമവും എല്ലാം അവരുടെ മനസ്സിനെയാകെ ഇളക്കിമറിക്കുന്നുണ്ടാകും. പങ്കാളികള്‍ പരസ്പരം അടുത്തറിഞ്ഞതിനു ശേഷം മാത്രം ലൈംഗീക ജീവിതത്തിലേക്ക് കടക്കുക.

സ്‌നേഹപൂര്‍വമായ സമീപനമാണ് ദാമ്പത്യജീവിതത്തില്‍ സെക്‌സിന്റെ കാര്യത്തില്‍ വേണ്ടത്. പങ്കാളിയുടെ ഇഷ്ടാനിഷ്ടങ്ങള്‍ ചോദിച്ചറിയുകയാണ് ആദ്യം വേണ്ടത്. അങ്ങനെ ചോദിക്കുമ്പോള്‍ തന്നെ സ്ത്രീകള്‍ക്ക് അവരുടെ പങ്കാളിയോട് ഒരു ബഹുമാനമൊക്കെ തോന്നും.

സെക്‌സില്‍ പുതുമ തേടുന്നവര്‍ നിങ്ങളുടെ ആവശ്യവും ആഗ്രഹവും പങ്കാളിയെ ബോധ്യപ്പെടുത്തണം. ആഗ്രഹിക്കുന്ന രീതികളെക്കുറിച്ചും അതില്‍ നിന്നും ഇരുവര്‍ക്കും ലഭിക്കുന്ന ലൈംഗിക സുഖത്തെക്കുറിച്ചും പങ്കാളിയോട് തുറുന്നു സംസാരിക്കാന്‍ മടിക്കേണ്ടതില്ല. താല്‍പര്യമില്ലാത്ത രീതികള്‍ക്ക് വഴങ്ങേണ്ടതില്ല. എന്നാല്‍ എന്തുകൊണ്ട് താല്‍പര്യമില്ലെന്ന് ഭര്‍ത്താവിനെ ബോധിപ്പിക്കേണ്ടതുമുണ്ട്. അതില്‍ സ്‌നേഹത്തിന്റെ ഏറ്റക്കുറച്ചില്‍ കണ്ടെത്തേണ്ടതില്ല.

പരീക്ഷണങ്ങളോട് മുഖം തിരിഞ്ഞു നില്‍ക്കുന്ന ഭാര്യയ്ക്ക് തന്നോട് സ്‌നേഹക്കുറവാണെന്ന് തെറ്റിദ്ധരിക്കുകയുമരുത്. വ്യക്തിപരമായ ഇഷ്ടാനിഷ്ടങ്ങള്‍ ഓരോരുത്തര്‍ക്കുമുണ്ട് എന്ന കാര്യം പങ്കാളികള്‍ ഓര്‍മ്മയില്‍ സൂക്ഷിക്കുക.

നീലച്ചിത്രങ്ങളാണ് പലപ്പോഴും പുരുഷനെ ലൈംഗിക പരീക്ഷണങ്ങള്‍ക്ക് പ്രേരിപ്പിക്കുന്നത്. നീലച്ചിത്രങ്ങളിലെ തെറ്റായ പല പൊസിഷനുകളും അനുകരിക്കാന്‍ ചില പുരുഷന്മാരെങ്കിലും ശ്രമിക്കാറുണ്ട്. ഇത് അപകടം വരുത്തി വയ്ക്കും. പങ്കാളിയെ നീലച്ചിത്രം കാണിച്ച്, അതില്‍ കാണുന്നവിധമുള്ള രീതികള്‍ വേണമെന്ന് ആവശ്യപ്പെടുന്ന പുരുഷന്മാരുമുണ്ട്. സ്ത്രീ ലൈംഗികതയെക്കുറിച്ച് അറിയാത്തവരാണ് ഇത്തരം അബദ്ധങ്ങള്‍ക്ക് മുതിരുന്നത്.

മൃഗീയമായ ലൈംഗിക പരീക്ഷണങ്ങളോട് പൊതുവേ സ്ത്രീകള്‍ക്ക് താല്‍പര്യം കുറവാണ്. ഇത്തരം ലൈംഗിക രീതികള്‍ സ്ത്രീകള്‍ പൊതുവേ വേദനാജനകമായിരിക്കും. അതുകൊണ്ടുതന്നെ അതില്‍ നിന്നും ലൈംഗിക സംതൃപ്തി ലഭിക്കുന്നുമില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha