ലൈംഗിക ബന്ധം വേദന ഉളവാക്കുന്നുണ്ടെങ്കില്
ലൈംഗിക ബന്ധത്തിനിടയ്ക്കോ, അതിന്റെ അവസാനമോ സ്ത്രീയുടെ യോനീഭാഗത്തോ, അടിവയറ്റിലോ, അരക്കെട്ടിന്റെ ഭാഗത്തോ വേദന അനുഭവപ്പെടുന്നുണ്ടെങ്കില് അതിനെ ഡിസ്പാറ്യൂനിയ അഥവാ വേദനയുളള ലൈംഗിക ബന്ധം എന്നു വിളിക്കുന്നു. ഡിസ്പാറ്യൂനിയ എന്ന പദം ഗ്രീക്കു ഭാഷയില് നിന്നുണ്ടായതാണ്. ഇണചേരുന്നതിനുളള ബുദ്ധിമുട്ട് എന്നോ, മോശമായി ഇണചേര്ന്നത് എന്നൊക്കെയോ ആണ് അര്ത്ഥമുളളത്. പുരാതന ഈജിപ്ഷ്യന് താളിയോലചുരുളുകളില് പോലും ഇതെക്കുറിച്ച് പരാമര്ശമുണ്ട്.
ആധുനിക മെഡിക്കല് ശാസ്ത്രത്തില് ഈ അവസ്ഥയ്ക്ക് വേണ്ടത്ര ചികിത്സകളുമുണ്ട്. ആദ്യ ലൈംഗിക വേഴ്ചയുടെ സമയത്ത് സ്ത്രീക്ക് അനുഭവപ്പെടുന്ന വേദന ഇതിലുള്പ്പെടില്ല. സിസ്പാറ്യൂനിയ വിഭാഗത്തില്പ്പെടുന്ന വേദന, കടുത്തവേദനയോ അസഹ്യമായ പുകച്ചില് പോലെയോ ഉളളതായിരിക്കും. ലൈംഗികബന്ധം ശരിയായ രീതിയിലല്ല നടക്കുന്നത് എന്നതിന്റെ തെളിവാണ് അതിനിടെ വേദനയുണ്ടാക്കുന്നത്. ഇപ്രകാരം വേദനയുണ്ടാകുന്നതിന് വിവിധ കാരണങ്ങള് ഉണ്ടാകാം. ലൈംഗിക ഇടപെടലിന്റെ രീതിയില് വ്യത്യാസങ്ങള് ഉണ്ടാകുമ്പോള് വേദന ഉണ്ടാക്കിയേക്കാം. ലൈംഗിക ബന്ധത്തിനിടെ പകരുന്ന രോഗങ്ങള് അടിയ്ക്കടി ഉണ്ടാകുന്നതും ലൈംഗികബന്ധം വേദനാജനകമായ അനുഭവമാക്കിയേക്കാം.
ആര്ത്തവ വിരാമത്തിനു ശേഷം യോനീഭിത്തിക്ക് കനം കുറയുന്നതു കൊണ്ടും വരണ്ടുപോകുന്നതു കൊണ്ടും ലൈംഗികബന്ധം വേദനയുളവാക്കിയേക്കാം. വള്വോഡൈനിയ എന്ന അസുഖമുളളവര്ക്ക് പ്രത്യേകിച്ച് മറ്റു കാരണങ്ങളൊന്നും കൂടാതെ യോനീമുഖത്ത് സ്ഥിരമായ വേദന അനുഭവപ്പെടും. യോനിയുടെ അന്തര്ഭാഗത്ത് എന്തെങ്കിലും പരിക്കുകള് ഉണ്ടായാലും അണുബാധ ഏറ്റാലും ലൈംഗിക ബന്ധം വേദനാ ജനകമായിരിക്കും. യോനീഭിത്തിയിലെ പേശികള്ക്ക് വികാസ-സങ്കോചങ്ങള് ഉണ്ടാകുന്ന അവസ്ഥയായ വജൈനിസ്മസ് എന്ന അവസ്ഥയുളളവര്ക്കും ലൈംഗിക ബന്ധത്തിലേര്പ്പെടുന്നതിന് വേദന ഉണ്ടാക്കിയേക്കും. മൂത്രനാളത്തില് അണുബാധ ഉണ്ടായാലും ജനനേന്ദ്രിയ പ്രദേശങ്ങളിലേക്ക് പകരുന്ന ചര്മ്മരോഗങ്ങള് എന്തെങ്കിലും ഉണ്ടെങ്കിലും വേദനാ പൂര്ണ്ണമായ അനുഭവമായിരിക്കും സെക്സ്.
ഒരു സ്ത്രീയുടെ ജീവിതകാലം മുഴുവന് വേദനയുണ്ടാകുന്ന സ്ഥിതിവിശേഷമുളളതിനെയാണ് പ്രൈമറി പെയില് എന്നു പറയുന്നത്. സെക്കന്ററി പെയില് എന്നു പറയുന്നത് പ്രത്യേകിച്ച വേദനയുടെ ലക്ഷണങ്ങളൊന്നുമില്ലാതിരുന്ന ഒരു കാലഘട്ടത്തിനുശേഷം പിന്നീട് വേദന തുടങ്ങുന്ന അവസ്ഥയാണ്. കംപ്ലീറ്റ് പെയിന് എന്നു പറയുന്നത് ആ സ്ത്രീക്ക് വേദനയോടെ മാത്രമേ വേഴ്ചയില് ഏര്പ്പെടാനാവൂ എന്ന അവസ്ഥയുളളതിനെയാണ്. ഒന്നില് കൂടുതല് ലൈംഗിക പങ്കാളികള് ഉളളവരുടെ കാര്യത്തില് ഏതെങ്കിലും ഒരു പങ്കാളിയുമായുളള ബന്ധത്തിനിടെയോ പ്രത്യേക രീതിയില് ലൈംഗികോത്തേജനത്തിനായി ശ്രമിക്കുമ്പോഴോ ഉണ്ടാകുന്ന വേദനയെ സിറ്റുവേഷണല് പെയിന് എന്നാണ് പറയുന്നത.
സൂപ്പര്ഫിഷ്യല് എന്ട്രന്സ് പെയിന് എന്നാണ് ലിംഗം യോയിയിലേക്ക് പ്രവേശിക്കുന്ന സമയത്ത് ഉണ്ടാകുന്ന വേദനയാണ്. ലിംഗം യോനീദ്വാരത്തിനുളളിലേക്ക് കടത്തുമ്പോള് തന്നെയോ അല്ലെങ്കില് ലൈംഗിക ബന്ധം പൂര്ത്തിയായതിനുശേഷമോ ഗര്ഭാശയഗളത്തിലോ അടിവയറ്റിലോ വേദന അനുഭവപ്പെടുന്നുണ്ടെങ്കില് അതിനെ ഡീപ്ത്രസ്സ് പെയില് എന്നാണ് പറയുക. വേഴ്ചയ്ക്ക ശേഷം അസഹ്യമായ വേദനയോ, രക്തപ്രവാഹമോ, എന്തെങ്കിലും ദ്രാവകം പുറത്തേക്കൊഴുകുകയോ ചെയ്യുന്നതു കണ്ടാല് ഉടന് തന്നെ മെഡിക്കല് സഹായം തേടേണ്ടതുണ്ട്. ചില അവസരങ്ങളില് ഓക്കാനം, ഛര്ദ്ദി എന്നിവയും ഇതോടൊപ്പം ഉണ്ടായേക്കാം.
https://www.facebook.com/Malayalivartha