ലൈംഗികശേഷിയും രക്തഗ്രൂപ്പുമായി ബന്ധമുണ്ടോ? ഇതുവരെ ഇല്ല എന്നയിരുന്നു നമ്മുടെ അറിവ്. എന്നാല്‍ ലൈംഗിക ശേഷിക്ക് രക്തഗ്രൂപ്പുമായി ബന്ധമുണ്ടെന്നാണ് പുതിയ പഠനങ്ങള്‍ തെളിയിക്കുന്നത്. മധ്യവയസ് പിന്നിട്ട പുരുഷന്മാര്‍ ബെഡ്‌റൂമില്‍ പരാജയപ്പെടുന്നതായി കണ്ടുവരുന്നു. പ്രായമേറുന്നതൊപ്പം ദുര്‍മേദസും പ്രമേഹം പോലുള്ള രോഗങ്ങളും ഇതിനു പ്രധാന കാരണമാകുന്നുണ്ട്. വയാഗ്ര പോലുള്ള മരുന്നുകള്‍ ഈ രംഗത്ത് ഏറെ ഉപയോഗിക്കപ്പെടുന്നുണ്ടെങ്കിലും അതുപയോഗിക്കുന്ന 30 ശതമാനത്തില്‍ കൂടുതല്‍ പേര്‍ക്കും പ്രത്യേകിച്ചു പ്രയോജനമുണ്ടാകുന്നില്ല. പുകവലി, അമിതവണ്ണം, അമിതരക്തസമ്മര്‍ദം തുടങ്ങിയ ജീവിതശൈലികള്‍ മൂലമാണ് ഈ പ്രശ്‌നമുണ്ടാകുന്നതെന്നായിരുന്നു പല ഡോക്ടര്‍മാരും കരുതിയിരുന്നത്. എന്നാല്‍ ടര്‍ക്കിയിലെ ഒര്‍ദു യൂണിവേഴ്‌സിറ്റിയിലെ ഒരു സംഘം ഗവേഷകരാണ് രക്തഗ്രൂപ്പും സെക്‌സും തമ്മിലുള്ള ബന്ധം കണ്ടെത്തിയത്.

എ, ബി, എബി ഇനങ്ങളില്‍പ്പെട്ട ബ്ലഡ് ഗ്രൂപ്പുള്ള പുരുഷന്മാര്‍ക്ക് ഒ ഗ്രൂപ്പില്‍പ്പെട്ട പുരുഷന്മാരെക്കാള്‍ ഷണ്ഡത്വവും ലൈംഗികോദ്ധാരണക്കുറവും ഉണ്ടാകാനുള്ള സാധ്യത നാലിരട്ടിയാണെന്നാണു പുതിയ പഠനം തെളിയിക്കുന്നത്. പകുതിയില്‍ക്കൂടുതല്‍ പുരുഷന്മാരും ഒ ഗ്രൂപ്പില്‍പ്പെടാത്ത പുരുഷന്മാരാണ്. ഏകദേശക്കണക്കു നോക്കിയാല്‍ 44 ശതമാനം പേരാണ് ഒ ഗ്രൂപ്പില്‍പ്പെട്ടവര്‍. രക്തഗ്രൂപ്പ് ഹൃദ്രോഗസാധ്യതയെ സ്വാധീനിക്കുന്നതായി നേരത്തേ ഗവേഷകര്‍ കണ്ടെത്തിയതിനു പിന്നാലെയാണ് ഒരു പുരുഷന്റെ സെക്‌സിനെയും ഇതു സ്വാധീനിക്കുന്നതായി കണ്ടെത്തിയത്. പത്തിലൊന്നു പുരുഷന്മാര്‍ക്കെങ്കിലും ജീവിതത്തിലെ ഏതെങ്കിലും ഘട്ടത്തില്‍ ലൈംഗീകോദ്ധാരണം ഉണ്ടാകാത്തവരാണ്. നാല്പതിനു മുകളിലുള്ള മൂന്നിലൊന്നു പേര്‍ക്ക് ഈ പ്രശനം നേരിടുന്നുണ്ട്. ഒ ഗ്രൂപ്പ് രക്തമുള്ളവരെക്കാള്‍ എ, ബി, എബി രക്തമുള്ളവര്‍ സെക്‌സിന്റെ കാര്യത്തില്‍ പ്രശനങ്ങളുള്ളവരാണെന്നാണ് പഠനത്തില്‍ തെളിഞ്ഞത്.