മൂന്ന് നേരവും വയറുനിറയെ ഭക്ഷണം കഴിക്കുന്നത് ഒഴുവാക്കാം. പകരം ഓരോദിവസത്തെയും അത്താഴത്തിന് ജ്യൂസ് മാത്രം കഴിച്ചുനോക്കൂ. രു മാസംകൊണ്ട് നിങ്ങളുടെ അമിതവണ്ണവും ദുര്‍മേദസ്സും പമ്പ കടക്കും. ഇഷ്ടമുള്ള പഴങ്ങളും പച്ചക്കറികളും തിരഞ്ഞെടുക്കാം.

ജ്യൂസ് വീട്ടില്‍ത്തന്നെ തയാറാക്കിവേണം കഴിക്കാന്‍. കൃത്രിമമായ നിറങ്ങളോ മധുരമോ ചേര്‍ക്കരുത്. ക്രീം കഴിവതും ഒഴിവാക്കുക. ഇനി വീട്ടില്‍ തയാറാക്കി കഴിക്കാവുന്ന ഏറ്റവും പോഷകസമ്പന്നമായ ചില ജ്യൂസുകള്‍ പരിചയപ്പെടാം.

* പ്രമേഹരോഗികള്‍ക്കു നല്ലത് നാരങ്ങാനീര് ഉപ്പുചേര്‍ത്തത്, കാരറ്റ് ജ്യൂസ് എന്നിവയാണ്. കാരറ്റില്‍ തീരെ മധുരം ചേര്‍ക്കാതെ കഴിക്കാം. പുളി കുറവുള്ള മുന്തിരി ജ്യൂസും കഴിക്കാം.

* ഹൃദ്രോഗബാധിതര്‍ക്ക് വേണ്ടത് വെള്ളരി, ചുവന്ന മുന്തിരി എന്നിവയുടെ ജ്യൂസ് ആണ്. ഹൃദയത്തിന്റെ പ്രവര്‍ത്തനം സാധാരണഗതിയിലാക്കുന്നതിന് ഇവ സഹായിക്കുന്നു

* വാതരോഗികള്‍ക്ക് ഓറഞ്ച്, തക്കാളി എന്നിവയുടെ ജ്യൂസ് തിരഞ്ഞെടുക്കാം. അമിതമായി തണുപ്പിച്ച് ഉപയോഗിക്കാതിരിക്കുക.

* അസിഡിറ്റി ഉള്ളവര്‍ ഓറഞ്ച്, നാരങ്ങ എന്നിവയുടെ ജ്യൂസ് ഒഴിവാക്കുക. പകരം പപ്പായ, ആപ്പിള്‍ തുടങ്ങിയ പഴങ്ങള്‍ ജ്യൂസ് രൂപത്തില്‍ കഴിക്കാം.

* ബ്രോങ്കൈറ്റിസ് ബാധിതര്‍ക്ക് ഏറ്റവും നല്ലത് ഉരുളക്കിഴങ്ങ് ജ്യൂസ് ആക്കി കഴിക്കുന്നതാണ്. എല്ലാ ദിവസവും വേണ്ട.

* അലര്‍ജി രോഗങ്ങള്‍ ഉള്ളവര്‍ ചുവന്ന ചീര, ബീറ്റ്‌റൂട്ട് എന്നിവയുടെ ജ്യൂസ് കഴിക്കുക.

* സൈനസ് രോഗങ്ങള്‍ ബാധിച്ചവര്‍ക്ക് ബെസ്റ്റ് ആപ്രിക്കോട്ടിന്റെ ജ്യൂസ് ആണ്.ഗ്യാസ്ട്രബിള്‍ നിയന്ത്രിക്കാന്‍ എളുപ്പവഴികള്‍.

* ടോണ്‍സിലൈറ്റിസ് ഉള്ളവര്‍ക്ക് മുള്ളങ്കി നീര് നല്ല ഓഷധമാണ്.