ഉറക്കം മനുഷ്യന് അത്യാവിശ്യമാണ്. ഉറങ്ങാതിരുന്നാല്‍ അത് ആരോഗ്യത്തെ കാര്യമായി ബാധിക്കും. ഉറക്കം നഷ്ടപ്പെടുന്നത് മരണത്തിന് തന്നെ കാരണമായേക്കാം. ഉറങ്ങുമ്പോള്‍ എങ്ങനെ കിടന്നാലും അതേ രീതിയില്‍ തന്നെ ഉണരാന്‍ ഭൂരിഭാഗം പേര്‍ക്കും സാധിക്കാറില്ല. എന്നാല്‍ ഉറങ്ങുന്ന രീതിയില്‍ ചെറിയ മാറ്റങ്ങള്‍ വരുത്തിയാല്‍ രോഗങ്ങള്‍ ഇല്ലാതാക്കാന്‍ അതു സഹായിക്കുമെന്നാണ് പഠനങ്ങള്‍ പറയുന്നത്. തലവേദന ഉറങ്ങുമ്പോള്‍ കഴുത്തിനുണ്ടാകുന്ന മാറ്റങ്ങളുടെ അടിസ്ഥാനത്തില്‍ തലവേദന പരിഹരിക്കാനാകും. ഇതിനായി ചെറിയ തലയിണകള്‍ ഉറങ്ങുമ്പോള്‍ കഴുത്തിനോട് ചേര്‍ത്തുവച്ചാല്‍ മതി.

ശരീരം വിശ്രമിക്കുന്ന സമയം ഉറങ്ങുമ്പോഴായതു കൊണ്ടുതന്നെ അപ്പോഴത്തെ ശരീരത്തിന്റെ ഘടന ഏറെ നിര്‍ണായകമാണ് മൈഗ്രേന്‍ പോലെയുള്ള അവസ്ഥകളും ഉറക്ക സമയത്തെ കഴുത്തിന്റെ ഘടനയും തമ്മില്‍ ഏറെ ബന്ധമുണ്ട്. മുട്ടുവേദനഒരു വശത്തേക്ക് ചരിഞ്ഞ് കിടക്കുന്ന ശീലമുള്ളവരാണെങ്കില്‍ മുട്ടുകള്‍ക്കിടയില്‍ ഒരു തലയിണ കരുതുന്നത് നല്ലതാണ്. ഇങ്ങനെ ചെയ്യുന്നത് മുട്ടുവേദന കുറയ്ക്കുന്നതിനു സഹായിക്കും. വേദനയുണ്ടാകുമ്പോള്‍ മുട്ടുകള്‍ക്കടിയില്‍ തലയണ വയ്ക്കുന്നതും നല്ലതാണ്. മുതുകു വേദന ഒരു വശം ചേര്‍ന്ന് കിടക്കുന്നതാണ് നല്ലതെന്ന് പൊതുവെ അഭിപ്രായമുണ്ട്. നട്ടെല്ലിനും ഇത് നല്ലതാണ്.

തെറ്റായ രീതിയിലുള്ള ഉറക്കമാണ് മുതുകു വേദനയ്ക്കുള്ള പ്രധാന കാരണങ്ങളിലൊന്ന്. ബുദ്ധിമുട്ടില്ലാത്ത രീതിയില്‍ ഒരു വശത്തേക്ക് ചരിഞ്ഞ് കിടക്കുന്നത് മുതുകു വേദന കുറയ്ക്കും. വേദനയുള്ളപ്പോള്‍ തടിച്ചതോ ഉയരക്കൂടുതലുള്ളതോ ആയ തലയണകള്‍ ഉപയോഗിക്കാത്തതാണ് നല്ലത്. നടുവേദന ഉറക്കസമയത്തെ കഴുത്തിന്റെയും നട്ടെല്ലിന്റെയും ശരിയായ ഘടന നടുവേദന പരിഹരിക്കാന്‍ സഹായിക്കും. കാല്‍മുട്ടുകള്‍ക്കടിയിലും കഴുത്തിനു പിറകിലും തലയണയോ ടവലോ വച്ച് ഉറങ്ങുന്നത് നടുവേദന ശമിപ്പിക്കുന്നതിന് സഹായിക്കും.

സൈനസിറ്റിസ്മുഖത്തെ സൈനസില്‍ ബ്‌ളോക്ക് ഉണ്ടായി അതില്‍ അണുബാധ വരാനുള്ള സാധ്യതയുണ്ട്. എസിയുടെ അടിയിലോ തൊട്ടടുത്തോ കിടക്കുമ്പോഴാണ് സാധാരണയായി ഈ പ്രശ്‌നം ഉണ്ടാകുന്നത്. ഇങ്ങനെ സംഭവിച്ചാല്‍ രാവിലെ ഉണരുമ്പോള്‍ തലവേദനയോ ജലദോഷമോ ഉറപ്പാണ്. അന്നത്തെ ദിവസം മുഴുവന്‍ അസ്വസ്ഥമാക്കാന്‍ അതുമതി. തലയണയുടെ എണ്ണം കൂട്ടി കുറച്ച് കൂടി ഉയരത്തില്‍ തലവച്ച് കിടക്കുകയെന്നതാണ് ഇതിനുള്ള പ്രതിവിധി. ഇങ്ങനെ ചെയ്യുമ്പോള്‍ തണുത്ത വായു മൂക്കിലൂടെ സൈനസിലെത്തുന്നത് തടയും.