സ്വന്തമായി സ്ഥലമില്ലാതെയും വീടുവയ്‌ക്കാം. ഇതാ സഞ്ചരിക്കുന്ന വീടുകള്‍
അമേരിക്കയില്‍ ഇപ്പോള്‍ സഞ്ചരിക്കുന്ന കുഞ്ഞന്‍ വീടുകള്‍ ട്രെന്‍ഡായി മാറിയിരിക്കുകയാണ്‌.. ആശങ്കയില്ലാതെ എവിടെ വേണമെങ്കിലും പോകാം. ഇഷ്‌ടപ്പെട്ട സ്ഥലത്ത്‌ കുറച്ചു ദിവസം നിറുത്തിയിട്ട്‌ താമസിക്കുകയുമാവാം. ഒരു സെന്റ്‌ സ്ഥലം പോലും സ്വന്തമായി വേണ്ട. കാലിഫോര്‍ണിയായിലെ ഒരു വീടു നിര്‍മ്മാണ കമ്പനിയാണ്‌ സഞ്ചരിക്കുന്ന വീടുകള്‍ എന്ന ആശയവുമായി രംഗത്തെത്തിയിരിക്കുന്നത്‌.
സഞ്ചരിക്കുന്ന ഈ വീടുകള്‍ക്ക്‌ നൂറു മുതല്‍ 500 ചതുരശ്ര അടി വരെ വലിപ്പമുണ്ടാകും. വലിപ്പം കുറവാണെങ്കിലും ഉള്ളില്‍ ആധുനിക വീടുകളിലുള്ള എല്ലാ സൗകര്യങ്ങളുമുണ്ട്‌. നാലുപേര്‍ക്ക്‌ കിടന്നുറങ്ങാവുന്ന മുറി, ആധുനിക അടുക്കള, ബാത്ത്‌റൂം തുടങ്ങിയവയ്‌ക്കൊപ്പം വിനോദത്തിനായി ഒരു ചെറിയസ്ഥലവുമുണ്ട്‌.
നവദമ്പതികള്‍ക്കാണ്‌ സഞ്ചരിക്കുന്ന ഈ കുഞ്ഞന്‍ വീടുകളോട്‌ ഭ്രമം. വരുംതലമുറകള്‍ക്കും ഈ കുഞ്ഞന്‍ വീടിനോട്‌ താല്‌പര്യമുണ്ടാകുമെന്നാണ്‌ നിര്‍മ്മാതാക്കളുടെ കണക്കുകൂട്ടല്‍ .
https://www.facebook.com/Malayalivartha
