പരവൂർ നെടുങ്ങോലം ഒഴുകുപാറ സതീഷ് ഭവനിൽ വിഷ്ണു എന്ന് വിളിക്കുന്ന സതീഷാണ് ചാത്തന്നൂർ പോലീസിന്റെ പിടിയിലായത്. കൊല്ലം സ്വദേശിനീയായ പെൺകുട്ടി പ്രതി ഓടിക്കുന്ന ബസ്സിലെ സ്ഥിരം യാത്ര ചെയ്തു വരവേ പ്രണയം നടിച്ച് പീഡിപ്പിക്കാൻ ശ്രമിക്കുകയും മൂന്നു ലക്ഷത്തോളം രൂപ തട്ടിയെടുക്കുകയും ചെയ്ത കേസിലാണ് പ്രതിയെ  ചാത്തന്നൂർ പോലീസ് അറസ്റ്റ് ചെയ്തത്. പോലീസിന്റെ ചോദ്യംചെയ്തില്‍  ഇത്തരത്തിൽ നിരവധി പെൺകുട്ടികളെ പീഡിപ്പിക്കുകയും പണം തട്ടിയതായും പ്രതി പോലീസിനോട് പറഞ്ഞു. ഇത് സംബന്ധിച്ച് കൂടുതൽ അന്വേഷണം പോലീസ് നടത്തി വരുകയാണ്.ചാത്തന്നൂർ SHO ശിവകുമാറിന്റെ നേതൃത്വത്തിലുളള പോലീസ് സംഘം  പ്രതിയെ അറസ്റ്റ് ചെയ്തു  കോടതിയിൽ ഹാജരാക്കി റിമാൻഡ് ചെയ്തു. നിരവധി പെൺകുട്ടികളെ ഇത്തരത്തിൽ പ്രേമിച്ച് പണം തട്ടുന്നത് പതിവായിരുന്നു. പണം കിട്ടിയില്ലെങ്കിൽ സ്വർണം വാങ്ങി പണയം വയ്ക്കും. ഇത്തരത്തിൽ നിരവധി പെൺകുട്ടികളാണ് ചൂഷണത്തിനിരയായത്. പലരും മാനക്കേട് ഭയന്ന് പുറത്ത് പറയാറില്ല.  ഇയാൾ വിവാഹിതനും 2 കുട്ടികളുടെ പിതാവുമാണെന്ന് ചാത്തന്നൂർ പോലീസ് പറഞ്ഞു.

ബിനുപളളിമൺ