കുവൈറ്റില്‍ പൊടിക്കാറ്റ്‌, ജനജീവിതം ദുസ്സഹം
കുവൈറ്റില്‍ അതിശക്തമായ പൊടിക്കാറ്റിനെ തുടര്‍ന്ന്‌ ഗതാഗത തടസ്സം നേരിട്ടു. ഇന്നലെ രാവിലെതൊട്ട്‌ രൂപംകൊണ്ട പൊടി ഉച്ചയോടെ കനത്തു. കനത്തപൊടിയില്‍ കാഴ്‌ചാപരിധി കുറഞ്ഞത്‌ കപ്പല്‍ തുറമുഖങ്ങളുടെ പ്രവര്‍ത്തനത്തെ ബാധിച്ചു .രാജ്യത്തെ മൂന്ന് തുറമുഖങ്ങളും പൊടികാരണം അടച്ചിട്ടു. തുറമുഖങ്ങളില്‍ ദൂരക്കാഴ്‌ചാപരിധി ഒരു നോട്ടിക്കല്‍ സി മൈലിനും താഴെയായിരുന്നു. മൂന്ന് നോട്ടിക്കല്‍ മൈലിന്‌ താഴെയയാല്‍ കപ്പല്‍ ഗതാഗതം നിര്‍ത്തിവക്കണമെന്നാണ്‌ രാജ്യാന്തരനിയമം.
ദോഹ, ഷുഐബ, ഷുവൈഖ്‌ തുറമുഖങ്ങളില്‍ ഏതാനും കപ്പലുകള്‍ പുറപ്പെടുന്നത്‌ നിര്‍ത്തിവച്ചു. തുറമുഖത്ത് അടുക്കേണ്ടിയിരുന്ന കപ്പലുകള്‍ പുറംകടലില്‍ തന്നെ നിര്‍ത്തിയിട്ടു.
പൊടിനിറഞ്ഞ സാഹചര്യം റോഡ്‌ ഗതാഗതത്തേയും താറുമാറാക്കി. കാലാവസ്‌ഥാമാറ്റത്തിന്റെ മുന്നോടിയായാണ്‌ പൊടിക്കാറ്റ്‌ . കനത്ത ചൂടിലായിരുന്ന കുവൈത്ത്‌ താമസിയാതെ തണുപ്പിലേക്ക്‌ നീങ്ങും.
https://www.facebook.com/Malayalivartha
