യാത്രാ ചെലവില് ഇളവ് അനുവദിച്ചുകൊണ്ട് ദൂബായ് സര്ക്കാരിന്റെ വക സീസണ് ടിക്കറ്റ്
ദുബായിലെ റോഡ്സ് ട്രാന്സ്പോര്ട്ട് അതോറിറ്റി യാത്രക്കാര്ക്കായി സീസണ് ടിക്കറ്റ് മാതൃകയില് നോല്കാര്ഡ് പാക്കേജുകള് പ്രഖ്യാപിച്ചു. പൊതു യാത്രാ സംവിധാനം ഉപയോഗിക്കുന്നവര്ക്കെല്ലാം നോല്കാര്ഡ് ലഭ്യമാക്കാനാണ് പദ്ധതി. പ്രതിദിന, പ്രതിവാര, പ്രതിമാസ, പാദ വാര്ഷിക, വാര്ഷിക പാക്കേജുകളാണ് ഇറക്കിയത്. യാത്രാക്കൂലിയില് ആനുപാതികമായ ഇളവ് ലഭ്യമാക്കും വിധമാണ് പാക്കേജുകള് അവതിരിപ്പിച്ചിട്ടുള്ളത്. ബസ്, മെട്രോ, ട്രാം യാത്രക്കാര്ക്ക് സൗകര്യപ്രദമായ പാക്കേജുകള് തിരഞ്ഞെടുക്കാം.
നവംബര് 11-ന് ട്രാം ഉദ്ഘാടന ദിനത്തിലാണ് പാക്കേജുകള് പ്രാബല്യത്തില് വരിക. 47 ശതമാനംവരെ ഇളവുകള് അനുവദിക്കുന്നവയാണിവ. കൂടാതെ, വിദ്യാര്ഥികള്, 60 വയസ്സിന് മേലെയുള്ള സ്ഥിരം താമസക്കാര്, മറ്റുതരത്തിലുള്ള സാമൂഹികക്ഷേമ ആനുകൂല്യങ്ങള് പറ്റുന്നവര് തുടങ്ങിയവര്ക്ക് 50 ശതമാനം ഇളവ് അനുവദിച്ചിട്ടുണ്ട്.
ഒരു സോണില് മാത്രം സ്ഥിരം യാത്ര ചെയ്യുന്നവര്ക്ക് ലെവല് ഒന്ന്, രണ്ട് സോണുകളിലായി യാത്ര ചെയ്യുന്നവര്ക്ക് ലെവല് രണ്ട്, ഏത് സോണിലും യാത്ര ചെയ്യാവുന്നവര്ക്ക് ലെവല് മൂന്ന് എന്നിങ്ങനെ പാക്കേജുകളെ മൂന്ന് തലത്തില് തിരിച്ചിട്ടുണ്ട്. ദീര്ഘകാല പാക്കേജ് എടുക്കുന്നവര്ക്ക് കൂടുതല് ഇളവുകള് ലഭിക്കും
മുഴുവന് സോണുകളിലുമായി യാത്രചെയ്യാവുന്ന ലെവല് മൂന്ന് വാര്ഷിക പാക്കേജ് എടുത്തവരില്നിന്ന് പ്രതിദിന യാത്രയ്ക്കായി 7.3 ദിര്ഹമേ ഈടാക്കുകയുള്ളൂ. വിദ്യാര്ഥികളും മുതിര്ന്നവരും 3.65 ദിര്ഹം നല്കിയാല് മതിയാകും. ഇരു സോണുകളിലുമായുള്ള ലെവല് രണ്ട് വാര്ഷിക പാക്കേജ്പ്രകാരം പ്രതിദിന യാത്രാക്കൂലി 4.84 ദിര്ഹവും ഓറ്റസോണില് മാത്രം യാത്രചെയ്യുന്നവര്ക്ക് 2.9 ദിര്ഹവുമായിരിക്കും. വിദ്യാര്ഥികളും മുതിര്ന്നവരും നേര്പകുതി നല്കിയാല് മതി. ജീവനക്കാര്ക്ക് പൊതുവാഹനങ്ങളില് യാത്രാ ആനുകൂല്യം അനുവദിക്കുന്ന കമ്പനികള്ക്ക് വാര്ഷിക നോല് പാക്കേജ് ഏറെ ഗുണകരമായിരിക്കും.അപേക്ഷ സമര്പ്പിച്ചുകഴിഞ്ഞാല് അഞ്ച് ദിവസത്തിനകം പാക്കേജുകള് പ്രവര്ത്തനക്ഷമമാകും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
