ചുവപ്പ് ലൈറ്റ് മറികടന്നാല്‍ ഇനി കര്‍ശനശിക്ഷ
മസ്‌ക്കറ്റിലെ റോഡുകളില്‍ ഇനി ചുവപ്പു ലൈറ്റ് മറി കടന്നാല്‍ കടുത്ത ശിക്ഷയായിരിക്കും ലഭിക്കുക. നിയമം മറികടക്കുന്നതിന്റെ തോതനുസരിച്ചായിരിക്കും ശിക്ഷ. 50 റിയാല്‍ പിഴ തുടങ്ങി ഒന്നോ രണ്ടോ ദിവസം വരെ ജയില്‍വാസവും കൂടാതെ രണ്ടാഴ്ചത്തേക്ക് വാഹനം കണ്ടു കെട്ടലുമായിരിക്കും നിയമലംഘകര്‍ അനുഭവിക്കേണ്ടിവരിക. കൂടതല്‍ നിയമലംഘനങ്ങള്‍ ഒരാളുടെ പേരില്‍ രേഖപ്പെടുത്തിയിട്ടുണ്ടെങ്കില്‍ അയാളെ പബ്‌ളിക് പ്രോസിക്യൂഷന് കൈമാറും.
വാഹനാപകടങ്ങള്‍ കുറയ്ക്കുന്നതിന്റെ ഭാഗമായിട്ടാണ് ഇത്തരം കര്‍ശന നടപടികളെടുക്കുന്നതെന്ന് ഒമാന്‍ പോലീസ് അറിയിച്ചു. നിയമങ്ങള്‍ കര്‍ശനമാക്കിയിട്ടും നിയമലംഘനങ്ങള്‍ ഇപ്പോഴും തുടരുന്നു.
ഇനിയെങ്കിലും ചുവപ്പ് സിഗ്നല്‍ മറികടന്ന് വാഹനം ഓടിച്ചു പോകാതിരിക്കുക. ഇല്ലെങ്കില്‍ 48 മണിക്കൂര്‍ ജയില്‍ ശിക്ഷ അനുഭവിച്ചെങ്കില്‍ മാത്രമേ വാഹന രജിസ്‌ട്രേഷന്‍ രേഖ പുതുക്കി നല്‍കുകയുള്ളൂ. മിക്കവാറും ആളുകള്‍ രജിസ്‌ട്രേഷന്‍ പുതുക്കുന്നതു പോലും ശ്രദ്ധിക്കാറില്ല. ആ നിലയിലാണ് ശിക്ഷ ഇപ്പോള്‍ കര്‍ശനമാക്കിയിരിക്കുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
