അര ലക്ഷത്തോളം ഗള്ഫ് തൊഴിന്വേഷകര്‍ എമിഗ്രേഷന്‍ ക്‌ളിയറന്‍സ്‌ കിട്ടാതെ ദുരിതത്തില്‍
വിസ സ്റ്റാമ്പ് ചെയ്തു കിട്ടിയ അരലക്ഷത്തോളം തൊഴിലനേ്‌ഷകരാണ്‌ എമിഗ്രേഷന്‍ ക്‌ളിയറന്‍സ്‌ കിട്ടാത്തതിനാല്‍ കുടുങ്ങിക്കിടക്കുന്നത്‌.പാസ്‌പോര്‍ട്ടുകളുമായി ഇവരുടെ കാത്തിരിപ്പ്‌ രണ്ടരമാസം പിന്നിട്ടിരിക്കുകയാണ്‌.വിസ സ്റ്റാമ്പ് ചെയ്ത് മൂന്നു മാസത്തിനുള്ളില്‍ യാത്ര ചെയ്‌തില്ലെങ്കില്‍ വിസ നഷ്‌ടപ്പെടും. മുംബയിലെ പ്രൊട്ടക്‌ടര്‍ ഓഫ്‌ എമിഗ്രേഷന്‍ ഓഫീസിലെ സോഫ്‌റ്റ്‌ വെയര്‍ സംവിധാനത്തിലെ തകരാണ്‌ കാരണമായി പറയുന്നത്‌.മിനിറ്റുകള്‍ക്കുള്ളില്‍ പുര്‍ത്തിയാക്കിയിരുന്ന സംവിധാനത്തിനു പകരം കോടികള്‍ ചിലവാക്കിനടത്തിയ പരിഷ്‌ക്കാരമാണ്‌ നിരവധി ആളുകളുടെ ജീവിതം വഴിയാധാരമാക്കിയതെന്നും ആക്ഷേപം ഉണ്ട്‌.രണ്ടുവര്‍ഷമായി നിലവിലിരുന്ന സിസ്റ്റം ആട്ടോമേഷന്‍ ഇനിഷ്യേറ്റീവ്‌ (സായ്‌) എന്ന സംവിധാനം മാറ്റി ടാറ്റാ കണ്‍സള്‍ട്ടന്‍സി നടപ്പാക്കിയ ഇമൈഗ്രേറ്റ്‌ എന്ന സംവിധാനമാണ്‌ നിലവിലുള്ളത്‌.എമിഗ്രേഷന്‍ സ്‌തംഭനതത്തിനെതിരെ ഈ മാസം ഒമ്പതിന്‌ രാജ്യത്തെ നിരവധി ഏജന്റുമാര്‍ പ്രൊട്ടക്‌ടര്‍ ഓഫ്‌ എമിഗ്രേഷന്‍ ആസ്ഥാനത്ത്‌ പ്രക്ഷോഭം സംഘടിപ്പിച്ചിരുന്നു
https://www.facebook.com/Malayalivartha
