കുറ്റാന്വേഷണത്തിലും, കോടതിവിചാരണയിലും ഇന്ത്യയും ഒമാനും തമ്മില്‍ പരസ്പരം സഹകരിക്കും. ഇന്ത്യയില്‍ സന്ദര്‍ശനം നടത്തുന്ന ഒമാന്‍ വാണിജ്യമന്ത്രി ഡോ. അലി ബിന്‍ മസ്ഊദ് അല്‍ സനീദിയും ആഭ്യന്തരമന്ത്രി രാജ്‌നാഥ് സിങ്ങും ഇതുസംബന്ധിച്ച കരാറില്‍ ഒപ്പിട്ടു. ഭീകരപ്രവര്‍ത്തനവും സാമ്പത്തിക കുറ്റകൃത്യങ്ങളും ഉള്‍പ്പെടെ കുറ്റകൃത്യങ്ങളുടെ അന്വേഷണത്തിലും വിചാരണയിലും പരസ്പരം സഹകരിക്കുന്നതിനുള്ള ജുഡീഷ്യല്‍ ആന്‍ഡ് ലീഗല്‍ കോഓപറേഷന്‍ കരാറിലാണ് ഇരു രാജ്യങ്ങളും ഒപ്പിട്ടത്ഇതിന്റെ അടിസ്ഥാനത്തില്‍ കുറ്റവാളികളെ പിന്തുടര്‍ന്ന് പിടികൂടാനും കുറ്റകൃത്യങ്ങള്‍ തടയാനും ഇരു രാജ്യങ്ങളും കൈകോര്‍ക്കും. പുറമെ, തൊണ്ടി മുതലുകള്‍ കണ്ടത്താനും കുറ്റകൃത്യങ്ങള്‍ക്ക് ഉപയോഗിച്ച ആയുധങ്ങള്‍, തെളിവുകള്‍ എന്നിവ പരസ്പരം കൈമാറാനും കരാര്‍ ഉറപ്പുനല്‍കുന്നു. നികുതിവെട്ടിപ്പ്, കസ്റ്റംസ് നിയമലംഘനം, സാമ്പത്തിക തിരിമറി എന്നീ കേസുകളിലും തെളിവും വിവരങ്ങളും രേഖകളും പരസ്പരം കൈമാറും.ന്യൂഡല്‍ഹിയിലെ ആഭ്യന്തരമന്ത്രാലയം ആസ്ഥാനത്ത് ബുധനാഴ്ചയാണ് കരാര്‍ ഒപ്പിട്ടത്.

ഒമാനില്‍നിന്ന് സാമ്പത്തിക തട്ടിപ്പ് നടത്തി പ്രവാസികള്‍ നാട്ടിലേക്ക് രക്ഷപ്പെടുന്ന പ്രവണതക്ക് തടയിടാനും കരാര്‍ വഴിതുറക്കുമെന്നാണ് പ്രതീക്ഷ. ഇരു രാജ്യങ്ങളും തമ്മില്‍ നിയമ, നീതിന്യായ രംഗങ്ങളിലെ ഉഭയകക്ഷി ബന്ധം ശക്തിപ്പെടുത്തുന്നതിനുള്ള ആദ്യ പടിയാണ് കരാറെന്ന് ആഭ്യന്തര മന്ത്രി രാജ്‌നാഥ് സിങ് പറഞ്ഞു. ഇരു രാജ്യങ്ങളും തമ്മിലുള്ള വ്യാപാര വാണിജ്യ ബന്ധം വര്‍ധിക്കാനും ഇത് വഴിയൊരുക്കുമെന്ന് അദ്ദേഹം പ്രത്യാശിച്ചു.നിരവധി പ്രമുഖര്‍ ചടങ്ങില്‍ സംബന്ധിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha