സൗദി ഭരണാധികാരി സല്മാന് രാജാവ് ഹറമൈന് ട്രെയിന് സര്വീസ് ഇന്ന് ഉദ്ഘാടനം ചെയ്യും...
സൗദി അറേബ്യയുടെ അഭിമാന പദ്ധ്വതിയായ മക്കാ - മദീനാ ഹറമൈന് എക്സ്പ്രസ്സ് ട്രെയിന് സര്വീസ് സൗദി ഭരണാധികാരി സല്മാന് രാജാവ് ഇന്ന് ഉദ്ഘാടനം ചെയ്യും. ഗതാഗതമന്ത്രി ഡോ. നബീല് അല്ആമൂദി ഇക്കാര്യം കഴിഞ്ഞ ദിവസം വ്യക്തമാക്കിയിരുന്നു. പദ്ധതി ഉദ്ഘാടനം ചെയ്യാന് മുന്നോട്ടുവന്നതിലും പദ്ധതിക്ക് വേണ്ട നിര്ലോഭമായ സഹായങ്ങള് നല്കിയതിനും ഗതാഗതമന്ത്രി സല്മാന് രാജാവിന് നന്ദി രേഖപ്പെടുത്തി. മുഴുവന് സ്വദേശികള്ക്കും അഭിമാനിക്കാവുന്ന പദ്ധതിയാണിത്.
ഹജ്ജ്, ഉംറ തീര്ഥാടകര്ക്ക് നല്കുന്ന സേവനങ്ങളില് അതിമഹത്തുമാണ്. വിഷന് 2030 ന്റെ ഭാഗമായി തീര്ഥാടകരുടെ എണ്ണം കൂടുന്നതിനാല് മികച്ച സേവനം നല്കാന് സല്മാന് രാജാവും കിരീടാവകാശിയും നിര്ദേശങ്ങള് നല്കാറുണ്ടെന്നും ഗതാഗത മന്ത്രി പറഞ്ഞു.. മേഖലയിലെ ആദ്യത്തെ ഇലക്ട്രിക് എക്സ്പ്രസ് ടെയിന് പദ്ധതിയാണ് അല്ഹറമൈന് റെയിവേയെന്ന് പൊതുഗതാഗത അതോറ്റി മേധാവി ഡോ.റുമൈഹ് അല്റുമൈഹ് പറഞ്ഞു. 450 മീറ്ററാണ് നീളം.
ഇരട്ടപാതകളോട് കൂടിയ പദ്ധതിക്ക് കീഴില് മക്ക, ജിദ്ദ, ജിദ്ദ വിമാനത്തവളം, കിങ് അബ്ദുല്ല ഇക്കണോമിക് സിറ്റി, മദീന എന്നിവിടങ്ങളിലായി അഞ്ച് സ്റ്റേഷനുകളുണ്ട്. ട്രെയിന് വേഗത മണിക്കൂറില് 300 കിലോമീറ്ററാകുമെന്നും അദ്ദേഹം പറഞ്ഞു. മൂന്ന് ഘട്ടങ്ങളായാണ് പദ്ധതി നടപ്പാക്കിയിരിക്കുന്നത്. ആദ്യഘട്ടം ഭൂമി നിരപ്പാക്കുന്നത് അടക്കമുള്ള ഉപരിതല ജോലികളായിരുന്നു. 138 പാലങ്ങളും 850 കനാലുകളും നിര്മിച്ചു. റെയില്വേ കടന്നുപോകാന് 150 ദശലക്ഷം ക്യുബിക് മീറ്റര് മണല്, പാറകള് നീക്കം ചെയ്തു. ദേശീയ, അന്താരാഷ്ട്ര അലയന്സ് കമ്പനികളാണ് ഈ ഘട്ടം നടപ്പിലാക്കിയത്. രണ്ടാംഘട്ടം നാല് സ്റ്റേഷനുകളുടെ നിര്മാണമായിരുന്നു. ഇസ്ലാമിക വാസ്തുശില്പ ചാരുതയിലാണ് ഒരോ സ്റ്റേഷനുകളും നിര്മിച്ചിരിക്കുന്നത്. ജിദ്ദ വിമാനത്താവള സ്റ്റേഷന്റെ നിര്മാണവും പൂര്ത്തിയായിട്ടുണ്ട്. റെയില്വേ ലൈനുകള് സ്ഥാപിക്കുക, സിഗ്നള്, കണ്ട്രോള്, ടിക്കറ്റിങ്, കമ്യൂണിക്കേഷന് സംവിധാനങ്ങള് ഇറക്കുമതി ചെയ്യലും ഘടിപ്പിക്കലുമായിരുന്നു മൂന്നാംഘട്ടം.
എക്സ്പ്രസ് ട്രെയിന് ഓപറേഷന് രംഗത്ത് വിദഗ്ധരായ സ്പാനിഷ് കമ്പനിയായിരിക്കും 12 മാസം ട്രെയിന് പ്രവര്ത്തിപ്പിക്കുക. പദ്ധതിക്കാവശ്യമായ വൈദ്യുതി ഒരുക്കിയിട്ടുണ്ട്. ഇതിനായി റെയില്വേ കടന്നുപോകുന്ന റൂട്ടില് ആറു വൈദ്യുതി സ്റ്റേഷനുകള് നിര്മിച്ചിട്ടുണ്ട്. 35 ട്രെയിനുകളാണ് പദ്ധതിക്ക് കീഴിലുണ്ടാകുക. ഒരോന്നിലും 417 സീറ്റുകളുണ്ട്. സുഗമമായ യാത്രക്ക് വേണ്ട നുതനമായ സംവിധാനങ്ങളും സജ്ജീകരണങ്ങളും ട്രെയിനികത്തുണ്ട്. ഉദ്ഘാടന വേളയില് അമീറുമാര്, മന്ത്രിമാര്, ദേശീയ, അന്തരാഷ്ട്ര രംഗത്ത് അറിയപ്പെട്ട പ്രമുഖ വ്യക്തിത്വങ്ങള്, നിക്ഷേപകര്, പദ്ധതി നടപ്പിലാക്കിയ കമ്പനി പ്രതിനിധികള് തുടങ്ങിയ പങ്കെടുക്കുമെന്നും പൊതുഗതാഗത അതോറിറ്റി മേധാവി പറഞ്ഞു
https://www.facebook.com/Malayalivartha
