പാല്ക്കുപ്പിയുടെ സ്ഥാനത്ത് പെയിന്റിംഗ് ബ്രഷുകള്: വിസ്മയമായി ഒന്നരവയസ്സുകാരി
കനിഷ്ക്കയ്ക്ക് ഒന്നര വയസാണ് പ്രായം. പക്ഷേ അവള് വരച്ച ചിത്രങ്ങള് കണ്ടാല് ആരും അത്ഭുതപ്പെടും കാരണം ആത്രയ്ക്ക മികച്ചതാണ് ഈ കൊച്ചുമിടുക്കിയുടെ വരകള്. കനിഷ്ക്കയുടെ പെയിന്റിംഗ് പ്രദര്ശനം കഴിഞ്ഞ ദിവസം ദുബായില് നടന്നു. അജ്മാനില് ബിസിനസ് ചെയ്യുന്ന തൃശൂര് സ്വദേശി ബിജീഷിന്റേയും ചിത്രകാരിയായ ശാരിയുടേയും മകളാണ് ഈ കൊച്ചുമിടുക്കി.
ദുബായ് മാളിലെ അഡ്രസ് ഹോട്ടലില് സംഘടിപ്പിച്ച ആര്ട്ട് ഫെയറിലായിരുന്നു കനിഷ്ക്കയുടെ ചിത്രപ്രദര്ശനം. വിവിധ രാജ്യങ്ങളില് നിന്നുള്ള ചിത്രകാരന്മാര്ക്കൊപ്പം ഈ കൊച്ചുമിടുക്കിയുടെ പെയിന്റിംഗുകളും മത്സരിക്കാനുണ്ടായിരുന്നു. ആര്ട്ട് ഫെയറില് ലൈവ് പെയിന്റിംഗ് പ്രദര്ശനവും സംഘടിപ്പിച്ചു ഈ ഒന്നര വയസുകാരി. എട്ട് മാസം മുതല് ചിത്രം വരച്ച് തുടങ്ങിയ കനിഷ്ക്ക അഞ്ച് മീറ്ററില് അധികം നീളമുള്ള ചിത്രവും വരച്ചിട്ടുണ്ട്. ഏറ്റവും പ്രായം കുറഞ്ഞ കലാകാരിയുടെ നീളമേറിയ പെയിന്റിംഗ് എന്ന നിലയില് ഇത് ഇന്ത്യന് ദേശീയ റെക്കോര്ഡിനായി സമര്പ്പിച്ചിരിക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha