കുവൈറ്റിലും ഇനി നീതിന്യായ രംഗത്ത് വനിതാ സാന്നിധ്യം
രാജ്യത്തിന്റെ ചരിത്രത്തില് പുതിയ അധ്യായം എഴുതിച്ചേര്ത്ത് 22 മഹിളകള് പബ്ളിക് പ്രോസിക്യൂട്ടര്മാരുടെ കുപ്പായമണിഞ്ഞു.
22 വനിതാ പബ്ളിക് പ്രോസിക്യൂട്ടര്മാര് വ്യാഴാഴ്ച സത്യപ്രതിജ്ഞചെയ്ത് ചുമതലയേറ്റു. ഡെപ്യൂട്ടി ചീഫ് ജസ്റ്റിസ് യൂസുഫ് അല്മുതവ്വ, ചീഫ് പബ്ളിക് പ്രോസിക്യൂട്ടര് ദഹ്രാര് അല്അസൂസി എന്നിവരും ചടങ്ങില് സംബന്ധിച്ചു. വനിതാ പബ്ളിക് പ്രോസിക്യൂട്ടര്മാരുടെ നിയമനത്തോടെ രാജ്യചരിത്രത്തില് ആദ്യമായി വനിതാ ജഡ്ജിമാര് നിയമിക്കപ്പെടാനുള്ള സാധ്യതയും തുറന്നിരിക്കുകയാണ്.
2012 സെപ്റ്റംബറിലാണ് നീതിന്യായരംഗത്തെ പുരുഷ മേധാവിത്വത്തിന് വിരാമമിട്ട് സ്ത്രീകള്ക്കും ഈ മേഖലയിലേക്ക് കടന്നുവരാന് അവസരമൊരുക്കി സുപ്രീം ജുഡീഷ്യല് കൗണ്സില് പുതിയ തുടക്കം കുറിച്ചത്. മുമ്പ്, പലതവണ ഈ വിഷയം പരിഗണനക്ക് വന്നിരുന്നെങ്കിലും ഇസ്ലാമിക നിയമത്തില് ഇതിന് പ്രാബല്യമില്ലെന്ന വാദത്തിന് മുന്ഗണന ലഭിച്ചതോടെ യാഥാര്ഥ്യമായിരുന്നില്ല. എന്നാല്, നീതിന്യായ വ്യവസ്ഥയില് സ്ത്രീകള്ക്ക് പ്രവേശം നിഷേധിക്കുന്നതിനുള്ള ന്യായമൊന്നും കാണുന്നിലെന്ന്് ഇസ്ലാമിക കാര്യ മന്ത്രാലയം ഫത്വ നല്കിയതോടെ സുപ്രീം ജുഡീഷ്യല് കൗണ്സില് അനുമതി നല്കുകയായിരുന്നു.
രണ്ടു വര്ഷം മുമ്പുതന്നെ വനിതാ പ്രോസിക്യൂട്ടര്മാരെ നിയമിക്കുന്നത് സംബന്ധിച്ച് സുപ്രീം ജുഡീഷ്യറി കൗണ്സില് തീരുമാനമെടുത്തിരുന്നുവെങ്കിലും ഇസ്ലാമിസ്റ്റ് എം.പിമാരുടെ എതിര്പ്പിനെ തുടര്ന്ന് നടപ്പാകാതെ നീളുകയായിരുന്നു. എന്നാല്, അടുത്തിടെ നീതിന്യായ മന്ത്രിയായി ചുമതലയേറ്റ യഅ്ഖൂബ് അല്സാനിഇന്റെ കര്ശനനിലപാടാണ് ഇപ്പോള് വനിതാ പ്രോസിക്യൂട്ടര്മാരുടെ നിയമനം യാഥാര്ഥ്യമാക്കിയത്. ഇസ്ലാമിസ്റ്റ് എം.പിമാരുടെ പ്രതിഷേധം വകവെക്കാതെ കഴിഞ്ഞയാഴ്ചയാണ് മന്ത്രി ഇതുസംബന്ധിച്ച ഉത്തരവില് ഒപ്പുവെച്ചത്. തീരുമാനത്തിനെതിരെ ഇസ്ലാമിസ്റ്റ് എം.പിമാര് കടുത്ത വിമര്ശവുമായി രംഗത്തത്തെിയിട്ടുണ്ട്. ഇസ്ലാമിക നിയമത്തിന് വിരുദ്ധമായ രീതിയില് രാജ്യത്ത് വനിതാ ന്യായാധിപരെ നിയമിക്കുന്നത് നിരോധിക്കണമെന്നാവശ്യപ്പെടുന്ന ബില് പാര്ലമെന്റില് അവതരിപ്പിക്കുമെന്ന് എം.പി ഹമൂദ് അല്ഹംദാന് വ്യക്തമാക്കിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha