ദൂബായില്‍ ട്രാം സര്‍വ്വീസ് ഉദ്ഘാടനം ചെയ്തു
ദുബൈ ട്രാമിന്റെ കന്നിയാത്രയില്‍ ജനം കൂട്ടത്തോടെ യാത്രചെയ്തു. ദുബൈ മെട്രോയെ അപേക്ഷിച്ച് ചെറുതും വേഗം കുറഞ്ഞതുമായ ട്രാമില്‍ ഇന്നലെ യാത്രചെയ്തവരെല്ലാം കൗതുകക്കാഴ്ചകളുടെയും പുത്തനനുഭവത്തിന്റെയും പാളത്തിലായിരുന്നു. പലരും ജീവിതത്തിലാദ്യമായി ട്രാം കാണുന്നവരും കയറുന്നവരുമായിരുന്നു.
ചൊവ്വാഴ്ച വൈകിട്ട് ദുബൈ കിരീടാവകാശി ശൈഖ് ഹംദാന്‍ ബിന്‍ മുഹമ്മദ് ബിന്‍ റാശിദ് ആല്‍ മക്തൂം സമര്‍പ്പിച്ച ദുബൈയുടെ പുതിയ ഗതാഗത സംവിധാനം ബുധനാഴ്ചയാണ് പൊതുജനങ്ങള്‍ക്ക് ആദ്യമായി തുറന്നുകൊടുത്തത്. മലയാളികള്‍ ഉള്‍പ്പെടെയുള്ളവര്‍ കുടുംബസമേതമത്തെി ആദ്യദിവസം തന്നെ ട്രാമില്‍ യാത്രചെയ്ത് ചരിത്രത്തില്‍ കയറിപ്പറ്റി.
അഞ്ചുവര്‍ഷം മുമ്പ് ദുബൈ മെട്രോയുടെ കന്നിയാത്രയില്‍ ഭാഗമായ നിരവധി പേര്‍ ദുബൈ ട്രാമിന്റെ പുതിയ ചരിത്രനിമിഷത്തിലും ഇരിപ്പിടം നേടാനത്തെിയിരുന്നു.എന്നാല്‍ ട്രാമുകള്‍ സജീവമായ യൂറോപ്പില്‍ നിന്നുള്ള സഞ്ചാരികളും ദുബൈയുടെ ആഹ്‌ളാദത്തില്‍ വലിയ തോതില്‍ പങ്കാളികളായി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
