കനത്ത മൂടല്മഞ്ഞ് കാരണം അബുദാബിയില് വിമാനത്താവള റണ്വേ അടച്ചു
കഴിഞ്ഞ രണ്ട് ദിവസമായി തുടരുന്ന കനത്ത മൂടല്മഞ്ഞ് കാരണം അബുദാബി അന്താരാഷ്ട്ര വിമാനത്താവളത്തിലെ റണ്വേ അടച്ചു. അബുദാബിയിലെത്തുന്ന വിമാനങ്ങളെ പരിസരപ്രദേശങ്ങളിലെ വിമാനത്താവളങ്ങളിലേക്ക് തിരിച്ചുവിടുകയാണ് ചെയ്യുന്നത്. നിരവധി വിമാന സര്വീസുകള് റദ്ദ് ചെയ്തതായും അറിയുന്നു.
ഇന്ത്യയിലേക്കുള്ള വിമാനങ്ങളും മുടങ്ങിയവയിലുള്പ്പെടും. അബുദാബി ബത്തീന് എക്സിക്യൂട്ടീവ് എയര്പോര്ട്ട്, അല് ഐന് എയര് പോര്ട്ട്, ദുബായ് എയര്പോര്ട്ട് എന്നിവയടക്കം ഏഴ് വിമാനത്താവളങ്ങളിലേക്ക് പല വിമാനങ്ങളും തിരിച്ചുവിട്ടു. ഇതില് 18 യാത്രാ വിമാനങ്ങളും മൂന്ന് ചരക്ക് വിമാനങ്ങളും ഉള്പ്പെട്ടതായി ഇത്തിഹാദ് എയര്വേസ് വ്യക്തമാക്കി.
അബുദാബി ടെര്മിനലില് നിന്ന് തിരിക്കേണ്ട 50 വിമാനങ്ങള് വൈകിയാണ് സര്വീസ് നടത്തിയത്. റോഡ് ഗതാഗതവും വ്യോമ ഗതാഗതവും ഒരേ പോലെ തടസ്സപ്പെടുത്താന് മാത്രം ശക്തമായ മൂടല്മഞ്ഞാണ് ഞായറാഴ്ചയും തിങ്കളാഴ്ചയുമായി അനുഭവപ്പെട്ടത്. വലിയ കെട്ടിടങ്ങള് പോലും കാണാന് സാധിക്കാത്ത വിധമാണ് മൂടല്മഞ്ഞുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha