എണ്ണ ഉല്‍പാദന, കയറ്റുമതി രാജ്യങ്ങളുടെ ഉച്ചകോടി വിയന്നയില്‍ വ്യാഴാഴ്ച ചേരാനിരിക്കെ എണ്ണ ഉല്‍പാദനം നിയന്ത്രിക്കാനാവില്‌ളെന്ന സന്ദേശവുമായി ജി.സി.സി രാജ്യങ്ങള്‍. സൗദി അറേബ്യ, യു.എ.ഇ തുടങ്ങിയ രാജ്യങ്ങള്‍ ഉല്‍പാദനം കുറക്കേണ്ടതില്ലെന്ന നിലപാടിലാണ്. ഇപ്പോള്‍ കാണുന്ന വിലയിടിവ് \'ഒപെക്\' കാര്യമായെടുക്കേണ്ടതില്ലെന്നും അധികം വൈകാതെ വിലനിലവാരം മെച്ചപ്പെട്ട് സ്ഥിരത കൈവരിക്കുമെന്നും യു.എ.ഇ പെട്രോളിയം മന്ത്രി സുഹൈല്‍ ബിന്‍ മുഹമ്മദ് അല്‍ മസ്‌റൂഈ പറഞ്ഞു. ഇതാദ്യത്തെ തവണയൊന്നുമല്ല വില കുറയുന്നത്. ഇത് കണ്ട് വെപ്രാളപ്പെടേണ്ട കാര്യമില്ല. ഒടുവില്‍ വിപണി തന്നെ വില തിരിച്ചുകൊണ്ടുവരും അദ്ദേഹം പറഞ്ഞു.
നിലവിലെ പ്രതിസന്ധിയുടെ ഉത്തരവാദിത്തം \'ഒപെക്\' മാത്രം ഏറ്റെടുക്കേണ്ട കാര്യമില്ലെന്ന് അദ്ദേഹം ചൂണ്ടിക്കാട്ടി. പരമ്പരാഗത രീതി വിട്ട് എണ്ണയുല്‍പാദനത്തില്‍ \'ഒപെകി\'നു പുറത്തുള്ളവര്‍ ഇടപെട്ട് വിപണി നിയന്ത്രിക്കാന്‍ നോക്കുന്നതിന്റെ പ്രത്യാഘാതമാണ് ഇപ്പോള്‍ അനുഭവിക്കുന്നത്. ഇക്കാര്യത്തില്‍ എല്ലാവരും സന്തുലിത നിലപാട് പുലര്‍ത്തിയേ തീരൂ എന്ന് അദ്ദേഹം മുന്നറിയിപ്പ് നല്‍കി. വിലയിടിവില്‍ അത്യസാധാരണമായി ഒന്നുമില്‌ളെന്ന് സൗദി പെട്രോളിയം, മിനറല്‍ മന്ത്രി ഡോ. അലി അന്നുഐമിയും വിയന്നയില്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha