മസ്കറ്റ് എണ്ണ ശുദ്ധീകരണ ശാലയില് തീപിടിത്തം; നാലു പേര്ക്ക് പരിക്ക്
തലസ്ഥാന നഗരിയിലെ എണ്ണ ശുദ്ധീകരണ ശാലയിലുണ്ടായ പൊട്ടിത്തെറിയും തീപിടിത്തവും പരിഭ്രാന്തി പരത്തി. വ്യാഴാഴ്ച ഉച്ചക്കു ശേഷം മിന അല് ഫഹലിലെ ഒമാന് ഓയില് റിഫൈനറീസ് ആന്ഡ് പെട്രോളിയം ഇന്ഡസ്ട്രീസ് കമ്പനിയുടെ എണ്ണ ശുദ്ധീകരണ ശാലയിലാണ് തീപിടിത്തമുണ്ടായത്. അപകടം സംഭവിച്ചയുടന് ജീവനക്കാരെ ശാലയില് നിന്ന് ഒഴിപ്പിച്ചു. സംഭവത്തില് നാലു പേര്ക്ക് പരിക്കേറ്റതായി സിവില് ഡിഫന്സ് അറിയിച്ചു.
പ്രതിദിനം 85,000 ബാരല് എണ്ണ ശുദ്ധീകരിക്കുന്നതാണ് മിന അല് ഫഹലിലെ കമ്പനി. വ്യാഴാഴ്ച ഉച്ചക്കുശേഷം ഇവിടെയുള്ള ട്രീറ്റ്മെന്റ് യൂനിറ്റുകളിലൊന്നില് പൊട്ടിത്തെറിയും തീപിടിത്തവും ഉണ്ടാവുകയായിരുന്നു. തീപിടിച്ചതിനെ തുടര്ന്ന് എണ്ണ ശുദ്ധീകരണ ശാലയിലെ വാതകക്കുഴലിലൂടെ തീയും പുകയും പുറത്തെത്തി. കറുത്ത പുക മസ്കത്ത് നഗരത്തിന്റെ വിവിധ ഭാഗങ്ങളില് നിന്ന് കാണാമായിരുന്നു. പുക ഉയര്ന്നതോടെ ജനങ്ങളും പരിഭ്രാന്തരായി. കമ്പനി അധികൃതരും സിവില് ഡിഫന്സും പെട്രോളിയം ഡെവലപ്മെന്റ് ഓര്ഗനൈസേഷനും ചേര്ന്ന് തീ നിയന്ത്രണ വിധേയമാക്കിയതിനാലാണ് വന് ദുരന്തം ഒഴിവായത്.
അതേസമയം, മൂന്നു പേര്ക്ക് പൊള്ളലേറ്റതായി കമ്പനി അധികൃതര് ഫേസ്ബുക് പേജിലൂടെ അറിയിച്ചു. തീ കൂടുതല് പടരാതെ നിയന്ത്രിക്കാനും ജീവനക്കാരെ ഒഴിപ്പിക്കാനും സാധിച്ചതിനാല് വന് ദുരന്തമാണ് ഒഴിവായത്. തീപിടിത്തം ഉണ്ടായ ഉടന് തൊഴിലാളികളെ മുഴുവന് കമ്പനിയില് നിന്ന് ഒളിപ്പിച്ചതായി സംഭവസ്ഥലത്തുണ്ടായിരുന്ന മലയാളികളില് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha