ലോകത്തിലെ ഏറ്റവും ഉയരമുള്ള കെട്ടിടമെന്ന ഗിന്നസ് റെക്കോര്‍ഡ് പെരുമയുള്ള ദുബായ്-ലെ ബുര്‍ജ് ഖലീഫക്ക് പുതുവര്‍ഷത്തില്‍ മറ്റൊരു ഗിന്നസ് റെക്കോര്‍ഡ് കുടി സ്വന്തമായി. ഭൂമിയിലെ ഏറ്റവും വലിയ എല്‍ഇഡി അലങ്കാരസംവിധാനമെന്ന ഖ്യാതിയാണു ബുര്‍ജ് ഖലീഫക്കു കിട്ടിയത്.

പുതുവര്‍ഷപ്പിറവിയോടനുബന്ധിച്ച് ബുര്‍ജ് ഖലീഫയില്‍ സൃഷ്ടിച്ച ദീപാലങ്കാരവിസ്മയമാണ് ബുര്‍ജ് ഖലീഫക്ക് അവാര്‍ഡ് നേടിക്കൊടുത്തത്. എല്‍ഇഡി ലൈറ്റുകളും ലേസര്‍ ബീമുകളും കൊണ്ടാണ് ദീപാലങ്കാരത്തെ ഗംഭീരമാക്കിയത്.

പടൂകൂറ്റന്‍ എല്‍ഇഡി സ്‌ക്രീനില്‍ യുഎഇയുടെ ചരിത്രവും ദേശീയപതാകയും ഭരണാധികാരികളുമെല്ലാം മിന്നിമറഞ്ഞു. ബുര്‍ജ് ഖലീഫയ്ക്കു ചുറ്റും 32,467 ചതുരശ്രമീറ്ററില്‍ സജ്ജമാക്കിയ 70,000 എല്‍ഇഡി പാനലുകളില്‍ ആയിരുന്നു വിസ്മയവിരുന്നൊരുക്കിയത്.

ഇന്തൊനീഷ്യയിലെ അംഗ്രേക്ക് മാള്‍ സ്ഥാപിച്ച റെക്കോര്‍ഡിനെയാണു ബുര്‍ജ് ഖലീഫ നിഷ്പ്രഭമാക്കിയത്. പുതുവല്‍സരാഘോഷം തല്‍സമയം കാണാന്‍ യൂട്യൂബില്‍ അവസരം ലഭിച്ചതോടെ വിവിധ രാജ്യങ്ങളിലെ ജനങ്ങള്‍ക്ക് ഈ കാഴ്ച ആസ്വദിക്കാനായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha