തലസ്ഥാന എമിറേറ്റില്‍ സ്വകാര്യ സ്‌കൂളുകളുടെ എണ്ണം കൂടുകയും സര്‍ക്കാര്‍ സ്‌കൂളുകള്‍ കുറയുകയും ചെയ്തതായി റിപ്പോര്‍ട്ട്. അബുദാബി സ്റ്റാറ്റിസ്റ്റിക്‌സ് സെന്ററാണ് എമിറേറ്റിന്റെ സാമൂഹിക ക്ഷേമ - വിനോദ, സാംസ്‌കാരിക മേഖലയിലെ സമഗ്ര റിപ്പോര്‍ട്ട് പുറത്തുവിട്ടത്.  ആകെ 438 സ്‌കൂളുകളാണ് എമിറേറ്റിലുള്ളത്.  ഈ സ്‌കൂളുകളില്‍ 227 എണ്ണം അബുദാബിയിലും 168 സ്‌കൂളുകള്‍ അല്‍ഐനിലുമാണ്. പശ്ചിമ പ്രദേശത്ത് 43 സ്‌കൂളുകളാണ് പ്രവര്‍ത്തിക്കുന്നത്.  സര്‍ക്കാര്‍ സ്‌കൂളുകളുടെ എണ്ണത്തില്‍ കഴിഞ്ഞ നാലു വര്‍ഷത്തിനിടെ കുറവുണ്ടായി.
2010 ല്‍ 299 സര്‍ക്കാര്‍ സ്‌കൂളുകള്‍ ഉണ്ടായിരുന്നെങ്കില്‍ 2014 അവസാനിച്ചപ്പോള്‍ 254 സ്‌കൂളുകളായി ചുരുങ്ങി.  എന്നാല്‍ സ്വകാര്യ സ്‌കൂളുകളുടെ എണ്ണം 2010-2011 കാലയളവിനു ള്ളില്‍ 181 ല്‍ നിന്നും 184 ആയി ഉയര്‍ന്നു.  ക്ലാസുകളുടെയും വിദ്യാര്‍ഥികളുടെയും എണ്ണത്തില്‍ ഗണ്യമായ വര്‍ധനയാണു രേഖപ്പെടുത്തിയത്. വിദ്യാര്‍ഥികളില്‍ 43.9 ശതമാനം മാത്ര മാണു സ്വദേശികള്‍.കഴിഞ്ഞ പത്തു വര്‍ഷത്തിനിടെ എമിറേറ്റിലെ നിരക്ഷരരുടെ തോത് അഞ്ചു ശതമാനം കുറയ്ക്കാന്‍ സാധിച്ചതായി റിപ്പോര്‍ട്ടിലുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha