അബുദാബിയില് കനത്ത മൂടല്മഞ്ഞ് മൂലം വാഹനാപകടങ്ങള്
അബുദാബിയിലെ മിക്ക സ്ഥലങ്ങളിലും കഴിഞ്ഞ ദിവസം കനത്ത മൂടല് മഞ്ഞ് അനുഭവപ്പെട്ടു. അബുദാബിദുബായ് ഹൈവേയില് നിരവധി വാഹനങ്ങള് അപകടത്തില് പെട്ടു. വരും ദിവസങ്ങളിലും മൂടല് മഞ്ഞിന് സാധ്യത ഉണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. അബുദാബിദുബായ് റോഡില് ഷഹാമക്കും മഫ്റഖിനുമിടയിലാണ് അപകടം സംഭവിച്ചത്.
ഒട്ടനവദി വാഹനങ്ങള് കൂട്ടിയിടിച്ചു. 20 പേര്ക്ക് പരിക്കേറ്റു. ഒരാളുടെ നില ഗുരുതരമാണ്. അബുദാബിദുബായ് ഹൈവേയില് അല് റീഫ് പാലത്തിനും ഷഹാമക്കുമിടയിലാണ് വാഹനങ്ങള് ഒന്നിനുപുറകെ ഒന്നായി കൂട്ടിയിടിച്ചത്. 100ലധികം കാറുകള് അപകടത്തില് പെട്ടിട്ടുണ്ടെന്ന് ആണ് ദൃക്സാക്ഷികള് പറയുന്നത്. അബുദാബി പോലീസും സിവില് ഡിഫന്സും ഉടന് സ്ഥലത്തെത്തി പരുക്കേറ്റവരെ വിവിധ ആശുപത്രികളില് പ്രവേശിപ്പിച്ചു.
മൂടല്മഞ്ഞില് ദൂരക്കാഴ്ച കുറഞ്ഞതിനെ തുടര്ന്നാണ് അപകടമുണ്ടായതെന്ന് പൊലീസ് അറിയിച്ചു. മൂടല്മഞ്ഞുണ്ടായിട്ടും അമിതവേഗത്തില് ഓടിച്ചതാണ് അപകടത്തിന് കാരണമായതെന്ന് കണ്ടത്തെിയിട്ടുണ്ട്.
മഞ്ഞുള്ളപ്പോള് കരുതലോടെ വാഹനമോടിക്കണമെന്ന് പൊലീസ് മുന്നറിയിപ്പ് നല്കുന്നുണ്ടെങ്കിലും പലരും അത് ശ്രദ്ധിക്കാറില്ല. ഞായറാഴ്ച രാവിലെ വരെ അബുദാബി, അല്ഐന്, ദുബായ് എന്നിവിടങ്ങളില് മൂടല്മഞ്ഞിന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha