വി​ദേ​ശ​രാ​ജ്യ​ങ്ങ​ളി​ല്‍​നി​ന്ന്​ നാട്ടിലേക്ക് മ​ട​ങ്ങു​ന്ന പ്ര​വാ​സി​ക​ള്‍​ക്ക്​ കൊ​വി​ഡ്​ നെ​ഗ​റ്റി​വ്​ സ​ര്‍​ട്ടി​ഫി​ക്ക​റ്റ്​ നി​ര്‍​ബ​ന്ധ​മാ​ക്കു​ന്ന കേ​ര​ള സ​ര്‍​ക്കാ​റി​​െന്‍റ പി​ടി​വാ​ശി​മൂ​ലം മു​ട​ങ്ങു​ന്ന​ത്​ എ​ല്ലാം ന​ഷ്​​ട​പ്പെ​ട്ട്​ ഏ​തു​വി​ധേ​ന​യും നാ​ട​ണ​യാ​ന്‍ കാ​ത്തി​രു​ന്ന ആ​യി​ര​ക്ക​ണ​ക്കി​നാ​ളു​ക​ളു​ടെ സ്വപ്നതുല്യമായ മ​ട​ക്ക​യാ​ത്രയാണ്. പ്രവാസികൾക്കായി ആവ​ശ്യ​ത്തി​ന്​ വി​മാ​ന​ങ്ങ​ള്‍ അ​നു​വ​ദി​ക്കാ​തെ കേ​ന്ദ്ര​സ​ര്‍​ക്കാ​ര്‍ ദു​രി​ത​ത്തി​​െന്‍റ​ കണ്ണുനീർ നൽകി സ്വ​ന്തം​നാ​ട്​ കൂ​ടു​ത​ല്‍ വി​ദൂ​ര​മാ​വു​ക​യാ​ണ് എന്ന യാഥാർഥ്യത്തിലേക്ക് എത്തിച്ചേർന്നിരിക്കുകയാണ്. എന്നാൽ ഇ​വ​രി​ലേ​റെ​യും ജോ​ലി ന​ഷ്​​ട​പ്പെ​ട്ട​വ​രും ആ​രോ​ഗ്യ​പ്ര​ശ്​​ന​മു​ള്ള​വ​രും വി​സ കാ​ലാ​വ​ധി ക​ഴി​ഞ്ഞ​വ​രു​മാ​ണ്.

അതോടൊപ്പം തന്നെ ചാർട്ടേഡ് വിമാനത്തിൽ നാട്ടിൽ പോകാൻ തയാറെടുത്തിരിക്കുന്നവർക്ക് ശുഭ വാർത്തയാണ് പുറത്തേക്ക് വരുന്നത്. യുഎഇയിൽ നിന്നുള്ള ആന്റിബോഡി ടെസ്റ്റ് അഥവാ റാപ്പിഡ് ടെസ്റ്റ് ഫലം നെഗറ്റീവ് ആയവർക്കും നാട്ടിലേക്കു പോകാവുന്നതാണ്. അതായത് നിലവിലെ രീതി തന്നെ തുടരാം. എന്നാൽ ഇപ്പോൾത്തന്നെ യുഎഇ ഈ ടെസ്റ്റ് നടത്തിയാണ് യാത്രക്കാരെ നാട്ടിലേക്ക് കൊണ്ടുപോകുന്നത്. കോവിഡ് ടെസ്റ്റ് നടത്തി നെഗറ്റീവ് സർട്ടിഫിക്കറ്റു ലഭിച്ചവർക്കേ ചാർട്ടേഡ് വിമാനത്തിൽ പോകാനാകൂ എന്ന രീതിയിൽ വന്ന സംസ്ഥാന സർക്കാർ ഉത്തരവാണ് വളരെ വലിയ വിവാദമായി മാറിയിരിക്കുന്നത്. ഇതേ തുടർന്ന് പ്രവാസലോകം മുഴുവൻ കടുത്ത പ്രതിഷേധം ഉന്നയിക്കുകയായിരുന്നു. ഇതിന്റെ പശ്ചാത്തലത്തിലാണ് കൂടുതൽ വിശദീകരണം ഇക്കാര്യത്തിൽ സർക്കാർ നടത്തിയിരിക്കുന്നത്.

ഇതനുസരിച്ച് ആന്റിബോഡി ടെസ്റ്റും ഖത്തറിൽ ആപ്പിൽ നടത്തുന്ന എത്തറാസ് ടെസ്റ്റും സർക്കാർ അംഗീകരിച്ചതായാണ് വിവരം. എത്തറാസ് ടെസ്റ്റിൽ പച്ച സ്റ്റാറ്റസ് ഉള്ളവർക്കും നാട്ടിലേക്കു പോകാവുന്നതാണ്. ഇത് സംബന്ധിച്ച് കേരള ചീഫ് സെക്രട്ടറി വിശ്വാസ് മേത്ത കേന്ദ്രവിദേശ കാര്യ മന്ത്രാലയത്തിന് അയച്ച വിശദീകരണത്തിലും ഇക്കാര്യം കൃത്യമായി തന്നെ വ്യക്തമാക്കിയിട്ടുണ്ട്. തന്നെയുമല്ല കോവിഡ് ബാധിതരെ പ്രത്യേക വിമാനത്തിൽ നാട്ടിലേക്ക് കൊണ്ടുപോകാമെന്നും ഇതിനോടകം തന്നെ വ്യക്തമാക്കുന്നുണ്ട്. ഇതോടെ മൂന്നുനാലു ദിവസമായി യുഎഇ, ഖത്തർ എന്നിവിടങ്ങളിൽ നില നിന്ന ആശങ്കയ്ക്ക് അറുതി വന്നിരിക്കുകയാണ്. എന്നാൽ കുവൈത്ത്, സൗദി, ബഹ്റൈൻ, ഒമാൻ തുടങ്ങിയ രാജ്യങ്ങളിൽ നിന്നുള്ളവരുടെ കാര്യത്തിൽ ആശങ്ക തുടരുകയാണ്.