സൗദി അറേബ്യയുടെ സന്തോഷ വാർത്ത; കുവൈറ്റിന് പിന്നാലെ യാത്രകൾക്ക് അംഗീകാരം നൽകി രംഗത്ത്, 2021 ജനുവരി 3 മുതൽ രാവിലെ 11 വരെ ഉണ്ടായിരുന്ന വിലക്കുകൾ നീക്കി അന്താരാഷ്ട്ര വിമാന സർവീസുകൾ പുനരാരംഭിക്കുമെന്ന് പ്രഖ്യാപിച്ചു
സൗദി അറേബ്യയിലെ ആഭ്യന്തര മന്ത്രാലയം 2021 ജനുവരി 3 മുതൽ രാവിലെ 11 വരെ ഉണ്ടായിരുന്ന വിലക്കുകൾ നീക്കി അന്താരാഷ്ട്ര വിമാന സർവീസുകൾ പുനരാരംഭിക്കുമെന്ന് പ്രഖ്യാപിച്ചു. ഇന്ന് രാവിലെ കര-വ്യോമ-ജലാതിര്‍ത്തികള്‍ കർശന നിയന്ത്രണങ്ങളോടെ തുറക്കുമെന്ന് ആഭ്യന്തര മന്ത്രാലയം അറിയിച്ചു. കഴിഞ്ഞ മാസം താല്‍ക്കാലികമായി പ്രഖ്യാപിച്ച യാത്രാവിലക്ക് സൗദി അറേബ്യ പിന്‍വലിക്കുന്നത്. ബ്രിട്ടന്‍ ഉള്‍പ്പെടെയുള്ള യൂറോപ്യന്‍ രാജ്യങ്ങളില്‍ കൊവിഡിന്റെ ജനിതകമാറ്റം സംഭവിച്ച പുതിയ വകഭേദം കണ്ടെത്തിയതിനെ തുടര്‍ന്നായിരുന്നു പ്രതിരോധ നടപടിയുടെ ഭാഗമായി ഡിസംബര്‍ 20ന് സൗദി അറേബ്യ അതിര്‍ത്തികള്‍ അടച്ച് യാത്രാനിരോധനം പ്രഖ്യാപിച്ചത്.
എന്നാല്‍ ചില നിബന്ധനകളോടെയാണ് സൗദി അതിര്‍ത്തികള്‍ തുറന്നിരിക്കുന്നത്. സൗദി സമയം രാവിലെ 11 മണിയോടെ അതിര്‍ത്തികള്‍ തുറക്കുകയും വിമാന സര്‍വീസുകള്‍ പുനരാരംഭിക്കുകയും ചെയ്യുമെന്ന് ആഭ്യന്തര മന്ത്രാലയ വൃത്തങ്ങളെ ഉദ്ധരിത്ത് സൗദി പ്രസ് ഏജന്‍സി റിപ്പോര്‍ട്ട് ചെയ്യുകയുണ്ടായി. ബ്രിട്ടന്‍, ദക്ഷിണാഫ്രിക്ക തുടങ്ങി കൊവിഡിന്റെ പുതിയ ഇനം വൈറസ് കണ്ടെത്തിയ പ്രദേശങ്ങളില്‍ നിന്നു വരുന്ന വിദേശികള്‍ക്ക് നേരിട്ടുള്ള പ്രവേശനം അനുവദിക്കില്ല. അവര്‍ മറ്റൊരു രാജ്യത്ത് 14 ദിവസം ക്വാറന്റൈനില്‍ കഴിഞ്ഞ ശേഷം മാത്രമേ സൗദിയിലേക്ക് പ്രവേശനം അനുവദിക്കുകയുള്ളു. ഇന്ത്യ ഉള്‍പ്പെടെയുള്ള വൈറസ് വ്യാപനം രൂക്ഷമായ രാജ്യങ്ങള്‍ക്കും ഈ നിബന്ധന ബാധകമാണ്.
അതേസമയം, ഈ പുതിയ വൈറസ് കണ്ടെത്തിയ രാജ്യങ്ങളില്‍ നിന്ന് അടിയന്തര ആവശ്യങ്ങള്‍ക്കായി സൗദിയിലേക്ക് മടങ്ങിവരുന്ന സൗദികള്‍ക്ക് ശക്തമായ നിയന്ത്രണങ്ങളോടെ നേരിട്ട് പ്രവേശനാനുമതി നല്‍കുമെന്നും അധികൃതർ വ്യക്തമാക്കി. ഇവര്‍ 14 ദിവസം സ്വന്തം വീട്ടില്‍ കര്‍ശന ക്വാറന്റൈനില്‍ കഴിയണമെന്നും ആഭ്യന്തര മന്ത്രാലയം അറിയിച്ചു.
അതോടൊപ്പം തന്നെ പ്രവാസികൾക്ക് ആശ്വാസം നൽകുന്ന വർത്തകൂടി ആവുകയാണ്. പെട്ടെന്നുണ്ടായ യാത്രാവിലക്കിനെ തുടര്‍ന്ന് നാട്ടില്‍ വരാനാവാതെ സൗദിയില്‍ കുടുങ്ങിപ്പോയ മലയാളികള്‍ ഉള്‍പ്പെടെയുള്ള പ്രവാസികള്‍ക്ക് യാത്രാ നിരോധനം പിന്‍വലിച്ച നടപടി വലിയ ആശ്വാസമാണ് നൽകുക. അതുപോലെ തന്നെ സൗദിയിലേക്ക് മടങ്ങുന്നതിന് മുന്നോടിയായി ദുബായ് ഉള്‍പ്പെടെയുള്ള രാജ്യങ്ങളില്‍ ക്വാറന്റൈനില്‍ കഴിഞ്ഞ് യാത്രയ്ക്കായി കാത്തിരിക്കുന്നവര്‍ക്കും ഇനി സൗദിയിലേക്ക് എത്തിച്ചേരാൻ സാധിക്കുന്നതാണ്. ഡിസംബര്‍ 20 ഒരാഴ്ചത്തേക്ക് പ്രഖ്യാപിച്ച യാത്രാനിരോധനം സൗദി അറേബ്യ പിന്നീട് ഒരാഴ്ചത്തേക്കു കൂടി നീട്ടുകയായിരുന്നു. ഇതിനു പിന്നാലെയാണ് വിലക്ക് നീക്കിയതായുള്ള ആശ്വാസ വാർത്ത പ്രവാസികളെ തേടി എത്തുന്നത്.
https://www.facebook.com/Malayalivartha
