വന്ദേ ഭാരത് മിഷന് പ്രകാരമുള്ള ഒമ്പതാമത് വിമാന ഷെഡ്യൂളുകള് ഇങ്ങനെ; . കുവൈത്ത് വന്ദേ ഭാരത് മിഷന് പ്രകാരമുള്ള ഒമ്പതാമത് വിമാന ഷെഡ്യൂളുകള് പ്രഖ്യാപിച്ച് എയർ ഇന്ത്യ, കോഴിക്കോട്, കൊച്ചി, കണ്ണൂര് എന്നീ വിമാനതാവളങ്ങളിലേക്ക്
നീണ്ട കാത്തിരിപ്പിനൊടുവിൽ ഇതാ പ്രവാസികൾക്കായി ഒരു സന്തോഷ വാർത്ത. കുവൈത്ത് വന്ദേ ഭാരത് മിഷന് പ്രകാരമുള്ള ഒമ്പതാമത് വിമാന ഷെഡ്യൂളുകള് എയര് ഇന്ത്യ പ്രഖ്യാപിച്ചു. എന്നാൽ തിരുവന്തപുരത്തേക്കു വിമാനമില്ല . കുവൈത്തില് നിന്നും ഈ മാസം ജനുവരി 31 വരെയുള്ള സര്വ്വീസുകളാണു അധികൃതർ പ്രഖ്യാപിച്ചത്. കോഴിക്കോട്, കൊച്ചി, കണ്ണൂര് എന്നീ വിമാനതാവളങ്ങളിലേക്ക് പുറമേ മംഗലാപുരം, തിരുച്ചിറപള്ളി, വിജയ വാഡ, ഹൈദരബാദ് എന്നിവിടങ്ങളിലേക്കുമാണു പുതിയ ഷെഡ്യൂള് പ്രകാരം എയര് ഇന്ത്യ സര്വ്വീസ് ക്രമീകരിച്ചിട്ടുള്ളത്.
കുവൈത്തില് നിന്നും ജനുവരി 3,6,10,13,17,20,24,27,29,31 എന്നീ തിയ്യതികളിലാണു കൊച്ചിയിലേക്കുള്ള സര്വീസുകള് പ്രഖ്യാപിച്ചിട്ടുള്ളത്. ജനുവരി 3,5,10,12,17,19,24,26,31തിയ്യതികളിലാണു കോഴിക്കോട്ടേക്കുള്ള വിമാനം പുറപ്പെടുന്നത്. കണ്ണൂര് വിമാനം ജനുവരി 8,15,22,29 തിയ്യതിയകളിലാണു സര്വ്വീസ് ക്രമീകരിച്ചിരിക്കുന്നത്. ഇതിനു പുറമേ ജനുവരി 4,11,18,25 തിയ്യതികളില് മംഗലാപുരത്തേക്കും സര്വ്വീസ് ഉണ്ടാകുന്നതായിരിക്കും. .
അതേസമയം കുവൈത്ത് സര്ക്കാര് നേരിട്ടുള്ള പ്രവേശന അനുമതി നല്കിയിരിക്കുന്ന വിഭാഗങ്ങള്ക്കും ഈ സര്വ്വീസുകള് വഴി നാട്ടില് നിന്നുള്ള ബൂക്കിംഗ് ആരംഭിച്ചിട്ടുണ്ട് .വന്ദേഭാരത് ദൗത്യത്തിന്റെ ഭാഗമായുള്ള എയര് ഇന്ത്യ സര്വ്വീസുകളുളില് നിന്നും ചെന്നൈ ,ബംഗളൂര്, തിരുവനന്തപുരം എന്നി പ്രധാന നഗരങ്ങളെ ഒഴിവാക്കിയതിൽ കനത്ത പ്രതിക്ഷേധമുയരുന്നുണ്ട്. വിജയ വാഡ, ഹൈദരബാദ് എന്നിവിടങ്ങളിലേക്ക് പുറമേ മുംബൈ, ദില്ലി, ഗോവ, ലഖ് നോ മുതലായ സ്ഥലങ്ങളിലേക്കും സര്വ്വീസ് നടത്തും . ഇതിനു പുറമെ കുവൈത്തിലെ വിമാന കമ്ബനികളായ അല് ജസീറ, കുവൈത്ത് എയര്വേയ്സ് എന്നിവ ഇന്ത്യയിലെ വിവിധ ഭാഗങ്ങളിലേക്ക് സര്വീസ്സ് നടത്തുന്നുണ്ട്.
https://www.facebook.com/Malayalivartha