കുവൈറ്റിൽ എത്തുന്ന യാത്രക്കാര്‍ക്ക് പി.സി.ആര് പരിശോധന നിര്‍ബന്ധമാക്കി; ആരോഗ്യ മന്ത്രാലയമാണ് പ്രോട്ടോക്കോള്‍ പരിഷ്കരിച്ചത്
രാജ്യത്തെത്തുന്ന യാത്രക്കാര്‍ക്ക് പി.സി.ആര് പരിശോധന നിര്‍ബന്ധമാക്കി കുവൈത്ത് രംഗത്ത് എത്തുകയുണ്ടായി. ജനിതകമാറ്റം സംഭവിച്ച കൊറോണ വൈറസ് കണ്ടെത്തിയ പശ്ചാത്തലത്തില്‍ ആരോഗ്യ മന്ത്രാലയമാണ് പ്രോട്ടോക്കോള്‍ പരിഷ്കരിച്ചിരിക്കുന്നത്. കോവിഡ് പ്രതിരോധപ്രവര്‍ത്തനങ്ങളുടെ ഭാഗമായാണ് കുവൈത്തില്‍ എത്തുന്ന മുഴുവന്‍ യാത്രക്കാര്‍ക്കും സര്‍ക്കാര്‍ ചെലവില്‍ സൗജന്യ പി.സി.ആര് പരിശോധന നടത്തുമെന്ന് തീരുമാനിച്ചിരിക്കുന്നത്.
അതേസമയം ബ്രിട്ടന്‍ ഉള്‍പ്പെടെയുള്ള രാജ്യങ്ങളില്‍ ജനിതകമാറ്റം സംഭവിച്ച കൊറോണ വൈറസ് കണ്ടെത്തിയ സാഹചര്യത്തിലാണ് മുഴുവന്‍ യാത്രക്കാര്‍ക്കും പി.സി.ആര് പരിശോധന നിര്‍ബന്ധമാക്കിയിരിക്കുകയാണ്. പരിശോധനാ ചെലവ് ആരോഗ്യമന്ത്രാലയം വഹിക്കുന്നതാണ്. വിദേശ രാജ്യങ്ങളില്‍ നിന്ന് കുവൈത്ത് അന്താരാഷ്‌ട്ര വിമാനത്താവളത്തില്‍ എത്തുന്ന യാത്രക്കാരുടെ കൈവശം പി.സി.ആര് സര്‍ട്ടിഫിക്കറ്റ് ഉണ്ടെങ്കിലും വിമാനത്താവളത്തിലെ പരിശോധന നിര്‍ബന്ധമാണ് എന്നതാണ്.
https://www.facebook.com/Malayalivartha
