കൊറോണ വ്യാപനത്തിന്റെ നാളുകൾ പിന്നിട്ട് പ്രവാസലോകം സജീവമാകുന്നു. തൊഴിൽ നഷ്ടപ്പെട്ട് ദുരിതത്തിലായ നിരവധി പ്രവാസികളാണ് നാട്ടിലേക്ക് എത്തിച്ചേർന്നത്. ഉപജീവനത്തിനായി ഗൾഫ് മേഖലയെ മാത്രം ആശ്രയിച്ചിരുന്ന പ്രവാസികൾക്ക് സന്തോഷം പകരുന്ന വാർത്തയാണ് പുറത്തു വരുന്നത്. സൗദി അറേബ്യയിലെ ആരോഗ്യ മന്ത്രാലയത്തിനു കീഴിലുള്ള കിങ് സൗദ്‌ മെഡിക്കൽ സിറ്റിയിലേക്ക് വനിതാ നഴ്‍സുമാരെ നോർക്ക റൂട്സ് മുഖേന തെരഞ്ഞെടുക്കുകയാണ്. ബി.എസ്.സി, എം.എസ്.സി, പി.എച്ച്.ഡി യോഗ്യതയുള്ള നഴ്സുമാർക്കാണ് അവസരം ഒരുക്കുന്നത്.

ക്രിട്ടക്കൽ കെയർ യൂണിറ്റ് (മുതിർന്നവർ, നിയോനേറ്റൽ, പീഡിയാട്രിക് ), എമർജൻസി, ജനറൽ (ബി.എസ്. സി), സി.ഐ.സി.യു, എൻ. ഐ.സി.യു, പി.ഐ.സി.യു ,ഹോം ഹെൽത്ത് കെയർ, ഐ.സി.സി.യു (കൊറോണറി), മെറ്റെർനിറ്റി /മിഡ്‌ ‌വൈവ്സ് എന്നീ വിഭാഗങ്ങളിലാണ് ഒഴിവുകൾ ഉള്ളത്. സൗദി ആരോഗ്യ മന്ത്രാലയത്തിന്റെ പ്രതിനിധി ജനുവരി 17, 18, 19, 21, 23, 24, 25, 26, 27, 28 തീയതികളിൽ ഓൺലൈനായി അഭിമുഖം നടത്തുന്നതാണ്.

താല്പര്യമുള്ളവർ www.norkaroots.org എന്ന വെബ്‍സൈറ്റ് വഴി അപേക്ഷ സമർപ്പിക്കേണ്ടതാണെന്ന് നോർക്ക ചീഫ് എക്സിക്യൂട്ടീവ് ഓഫീസർ അറിയിച്ചു. അപേക്ഷ സമർപ്പിക്കേണ്ട അവസാന തീയതി ജനുവരി 8. കൂടുതൽ വിവരങ്ങൾക്ക് ടോൾ ഫ്രീ നമ്പരായ 18004253939-ൽ ഇന്ത്യയിൽ നിന്നും 00918802012345-ൽ വിദേശത്തു നിന്നും മിസ്ഡ് കോൾ സേവനം ലഭിക്കുന്നതാണ്.